Desizaun Balun Halo Povu Fuan Kanek

DILI, STLNEWS.co – Reprezentante povu iha uma fukun Parlamentu Nasional (PN) afirma, husi sesaun dala 3 neebe liu ona ba desizaun balun, neebe deputadu sira foti hodi deside destinu nasaun ho povu nian, balun halo povu sira kontente maibe balun mos halo povu sira nia fuan kanek.

Tuir Xefe Bankada PUDD, Deputadu Antonio de Sa Benevides dehan, ohin dala ida tan marka prezensa iha fatin ida nee, hodi halo abertura ba sesaun solene nee, no sesaun dala 3  liu ona no kada sesaun hakerek iha devinu diariu hodi tau iha ita nia memoria.

“Desizaun barak ita foti iha sesaun hirak liu ba, hodi deside destinu nasaun ho povu Timor Leste nian, iha desizaun balun ita foti halo povu hakmatek, maibe iha mos desizaun balun neebe ita foti halo povu nia fuan kanek no taridu. Fila ba ita idak – idak nia an, hodi halo reflesaun ba desizaun hirak neebe ita foti ona,” dehan nia liu husi deklarasaun politika iha plenaria, Kuarta nee (15/09/2021).

Nia dehan, Bankada PUDD fiar katak, durante resesu deputadu sira hetan oportunidade atu halo reflesaun, hodi nunee iha Kuarta Sesaun Lejislativa ida nee, bele halo desizaun iha uma fukun ida nee tuir konsiensia moral bazeia ba fe no valores kristaun.

Iha fatin hanesan, Xefe Bankada FRETILIN Francisco Miranda Branco dehan, nuudar reprezentante povu ohin mai hamutuk fali dala ida iha uma fukun povu nian, hodi loke sesaun lejislativa ba dala haat iha V Lejislatura.

“Momentu ida importante tebes ba ita hotu nuudar reprezentante povu nian, nuudar politikus, ita presiza halo pontu de reflesaun, ba ita nia estadu neebe ita haknaar nuudar politikus iha rai laran. Depois tinan 20 liu tiha, ita kaer rasik ita nia kuda talin, ita gasta ona billaun US$ 14, maibe billaun US$ 3 hamutuk billaun US$ 17. Hodi reflesaun atu hatuur lolos ita nia politika ba povu no ba nasaun nia bem-estar no prosperidade,” dehan nia.

Nia tenik, Bankada FRETILIN iha Kuarta Sesaun Lejislativa, rohan ba V Lejislatura nian, mantein postura politika atu viabiliza VIII Governu Konstitusional to’o nia mandatu remata, tuir konstituisaun no tuir vontade povu nian, tanba nanis kedas FRETILIN hakribi hahalok ida sobu-harii, harii-sobu governu sira.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: