Deskonfia Indisius Krime Ba Ro Tranship II; CAC Hatama Auto Partisipasaun Ba Iha MP

DILI, STLNEWS.co – Durante nee mosu polemika iha sosiedade nia leet konaba ro Tranship II, tanba nee Comissåo Anti Corrupção (CAC) halo akompaniamentu, no ikus mai halo auto partisipasaun hodi hatama ba iha Ministeriu Publiku.

“Ami hatama ona auto partisipasaun ba iha MP iha semana rua ona karik, agora kompetensia tomak iha Ministeriu Publiku nia liman,” dehan Adjuntu CAC, Luis De Oliveira Sampaio ba STL, Segunda (05/06/2021).

Nia hatutan, agora dadaun tama ona iha faze investigasaun, no Ministeriu Publiku mak sei dirije nia prosesu sira tuir mai.

Hatan konaba durante CAC nia akompaniamentu ba ro refere indentifika iha iregularidade balu ka lae, nia hatan iha indisius ba krime, tanba nee maka sira halo auto partisipasaun hodi hatama ba iha Ministeriu Publiku.

Antes nee iha loron Sesta, (04/06/2021) iha oras tuku 14:00 OTL, CAC halo observasaun ba iha ro Tranship II.

Tuir Adjuntu CAC nee katak, CAC hakarak halo observasaun laos halo inspesaun, maibe halo akompaniamentu no observasaun besik ba servisu Diresaun Nasional Transporte Maritima, neebe iha duni kapasidade tekniku no autoridade atu halo inspesaun ba ro neebe estadu Timor Leste aluga.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: