Deskonfia Uza Gas Lakrimozeniu Tiru Komunidade, PDHJ Sei Buka Tuir

DILI, STLNEWS.co – Deskonfia oknum Polisia Batalhaun Orden Públiku (BOP)  nain ida uza gas lakrimozeniu tiru ba komunidade nia uma laran, rezulta labarik kiik ida ho naran inisial FS sai vitima, ekipa husi PDHJ sei buka tuir.

“Ekipa investigasaun seidauk fo informasaun, ami sei halao enkontru regular hodi haree ba ida nee, no informasaun ami hetan ona, maibe ami seidauk simu keixa,” dehan Provedora Adjunta PDHJ, Maria Ximenes Castro de Olivera da Costa ba jornalsita sira iha salaun CNE, Kuarta (06/12/2023).

Nia hatutan, ida nee sira nia dever atu buka tuir, tanba liga ba iha violasaun direitus umanus no polisia sira nia parte mos halo monitorizasaun konaba ida nee, no sira sei buka tuir atu halo investigasaun.

Esplika tan, aktu ida nee halo ema nia movimentu tauk, no uza sasan sira nee bele estraga ema nia vida, bele mos halo ema nia saude la diak, no meius sira bele halo intervensaun ba konflitu sira neebe akontese, la hatene sira uza sasan sira nee tanba situasaun la permite, maibe sei haree.

“Ba oin ekipa investigasaun sei ba buka tuir konaba akontesimentu nee, foti dadus, kuandu husi parte vitima la hatama keixa,” nia tenik.

Tuir kronolojia neebe iha katak, husi akontesimentu nee, vitima transporte kedan ba iha HNVG, tanba dada iis la diak.

Tanba nee, portavoz Luis da Costa hamutuk ho komunidade Bidau Toko Baru II, husu Komando Jeral PNTL atu halo investigasaun ba membru nee.

(ter)

LEAVE A REPLY

Please enter your comment!
Please enter your name here