Dezastre 4 Abril Sei Mosu Nafatin

DILI, STLNEWS.co – Governu liu husi Sekretariu Estadu Protesaun Sivil (SEPS), hahu avizu ba sidadaun iha territoriu Timor laran tomak, tanba udan boot tinan ida nee sedu liu, sei akontese dezastre dala ida tan hanesan loron 4 fulan Abril foin lalais nee.

Diretor Jeral SEPS, Superintendente Polisia Esmail Babo hatete, governu liu husi SEPS servisu kooperasaun hamutuk ho meterolojia mundial nasoens unidas, Australia no India liu husi meterolojia Timor Leste katak, iha tinan ida nee udan sei akontese sedu.

“Ita simu informasaun husi Nasoes unidadas katak, iha tinan 2021 udan sei mai sedu la hanesan tinan kotuk, ida nee mak sira alerta mai ita, tanba iha fulan Setembru ita haree udan komesa mai ona,” dehan Esmail ba jornalista sira iha nia knaar fatin Caicoli, Dili, Tersa nee (14/09/2021).

Nia dehan, tuir lolos iha fulan Setembru, iha hela tempu bai loron, maibe informasaun neebe fo sai husi meterolojia udan sei akontese sedu, tanba  nee sei akontese udan boot dala ida tan hanesan iha loron 4 fulan Abril liu ba.

Tanba nee, SEPS liu husi media kontinua halo sosializasaun informasaun ba komunidade neebe hela iha area risku ba dezastre hanesan mota laran, tasi ninin, ho foho lolon sira nee fasil atu rai halai.

Kumpre nafatin ba lei protesaun sivil ho dekretu lei protesaun sivil neebe hetan ona promulgasaun, inklui asistensia neebe SEPS prepara atu fo apoiu ba sidadaun neebe hetan dezastre.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: