DILI, STLNEWS.co – Dezempregu joven 37%, tan nee joven barak buka atu halai sai husi Timor Leste hodi ba buka servisu iha ema nia rai, tan nee wainhira dezempregu nee prevalese iha tempu naruk, mak kondisaun hela fatin sira nee sei husik hela deit hanesan nee no la hadia, dez nutrisaun aumenta mak konskuensia komulativa ba longu prazu mak jerasaun aban bainrua sei lakon produtividade.
“Wainhira ita lakon produtividade, mak wainhira atu restaura tenki lori tempu neebe naruk, tanba nee ita tenki fo prioridade ba politika fiskal hodi aumenta proder de kompra familia sira nian no kria kampu trabalhu, insentiva setor produtivu,” kestaun nee fo sai husi Ministru Finansa Rui Gomes, wainhira halo audensia ho deputadu sira iha Parlamentu Nasional, Tersa nee (03/05/2022) iha Parlamentu Nasional.
(mad)
