Dezenvolvimentu Paradu Tanba Covid-19

Primeiru Ministru, Taur Matan Ruak. (Foto: Media PR)

DILI, STLNEWS.co – Primeiru Ministru, Taur Matan Ruak hatete, dezenvolvimentu iha rai laran paradu tanba impaktu husi surtu Covid-19.

Kestaun nee Xefe Governu hatoo ba jornalista, bainhira remata enkontru ho Prezidente Republika, iha Palasiu Prezidente Nicolau Lobato, Bairru Pite, Dili, Kuarta (17/03/2021).

“Dezenvolvimentu paradu tanba moras nee, ita boot haree iha neebe mak governu ida tau tiha osan tuur no toba fali, maibe governu nia hakarak nee oinsa mak ezekuta orsamentu halao dezenvolvimentu presta serbisu ba ita nia sidadaun sira infelismente ita laos paradu totalmente, maibe limita buat balun tanba moras nee, hau fiar katak situasaun nee sei ultrapasa, tanba ita rejista tiha ona kuaze tinan ida enkuantu nasaun seluk mate lubuk ona neebe hau hanoin ita nia graca adeus.” hatete PM.

Xefe Governu hatutan, oras nee iha Timor Leste mos ema hanesan tome sei barak, tanba hatene ona moras iha maibe sei la fiar nafatin.

“Iha ita nia rai sei iha tome barak demais, ita boot sira hatene kuandu Jesus kanek tome la fiar, Jesus dehan hanesan nee kuandu hakarak fiar tenke hatama liman iha kanek, entau Jesus dehan hanesan nee vem aventurado” katak nia.

Iha biban nee Taur mos hatutan iha governante ida, komandante mak Primeiru Ministru, tanba nee mak tenke konfia komandante nee.

“Agora dadaun nee iha komandante ida ne mak PM neebe hotu hotu tenke konfia komandante nee, kuandu komandante halai uluk ona nee soldadu idak idak halo ninia, enkuantu Primeiru Ministru garante seidauk, hau hanoin buat hotu tenke kalma nee importante los, tanba ita haree ba mai buat nee fasil liu, tanba saida tanba fokus ba ita nia komportamentu, moras nee fokus liu ba ita nia komfortamentu.Ita bele koalia too neebe deit mos, iha buat rua deit ida ita nia komfortamentu, ida hein vasina,” katak nia.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here