DGSRN Halao Serbisu Prejensial; Funsionariu 70% Simu Ona Vasina

DILI, STLNEWS.co – Diresaun Geral Serbisu Rejistu Notariadu (DGSRN), tuir despaisu husi Ministru Justisa, durante konfinamentu domisiliariu nee halao deit serbisu prejensial.

“Rezolusaun governu aplika estadu emerjensia, serka sanitaria, no konfinamentu domisiliariu em jeral aplika iha Dili, Ministru Justisa fo despaisu jeral ba dirijente sira, liu liu diresaun jerais sira, no tuir rezolusaun nee funsionariu no dirijente sira neebe vasina kompletu, kontinua halao serbisu prejensial, liu liu ba asuntu sira neebe urjente hanesan passaporte, identifikasaun sivil notaria no rejistu sivil neebe kategoria urjente,” dehan Diretur Jeral Serbisu Rejistu Notariadu Crisogono da Costa Neto ba STL, Kuarta nee (01/09/2021)

Nia hatutan, hanesan pasiente balu moras atu evakua ba rai liur, sira nia dokumentus la kompletu presiza mai trata sira bele atende, maibe ba sira neebe halo viajen normal ba rai liur atu trata dokumentus ruma, provizoriu sei suspende hela.

Neto esplika tan, ema neebe trata dokumentus urjensia la barak, loron ida bele iha ema menus husi rua nulu (20), mai kraik deit, tanba ema neebe presiza mak ba duni.

Nia afirma, iha diresaun nee funsionariu hamutuk 182, no sira neebe vasina ona bele dehan pursentu 70.

Iha fatin ketak, Akademiku Universidade Nasional Timor Lorosae (UNTL), Sebastiao Dos Santos, dehan atu prevene pandemia neebe iha, ema hotu presiza duni halao tuir rezolusaun neebe iha.

“Hanoin vasina dala rua maka tama serbisu duni, atu prevene moras neebe iha nee,” dehan akademika nee.

Nia mos husu ba iha notariadu, atu halao serbisu urjensia atu bele atende ema sira neebe presiza duni trata dokumentus, iha situasaun neebe obriga sira atu bele lao ba rai liur.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: