JBAUKAU, STLNEWS.co – Uma kreda iha mundu selebra solenidade Assunção Virgem Santa Maria, no ohin mos diakonu nain 3 husi Kongresaun Salezianu simu Ordenasaun Sacerdotal husi Sua Eminencia Dom Virgilio Cardeal do Carmo da Silva, SDB iha Santuariu Maria Auxiliadora Fatumaka.
Misa nee prezide husi Sua Eminencia Dom Virgilio Cardeal do Carmo da Silva, SDB akompanha husi Dom Leandro Maria Alves, Visi Provinsial SDB iha Timor Leste, Padre Anacleto Pires, SDB inklui mos Amu Lulik sira seluk.
Diakonu nain 3 mak hanesan Diakonu Filipe Cardoso Sarmento, SDB moris iha Venilale iha loron 25 fulan Maiu 1991, oan husi aman Filomeno Manuel de Fatima Cardoso husi Same, Fahi-Nehan no inan Palmira da Cunha Sarmento, husi Venilale Uai-oli, nia oan datoluk husi maun-alin nain 5.
Diakonu Filomeno Martins Belo, SDB moris iha Laga, iha loron 5 fulan Maio 1991, oan husi Avelino Martins Belo no Clotilde José de Castro (Matebian), husi knua Werumata (Lau-imi, Larifanu) no Sawataisi Lutugia, Diakonu oan dala neen husi husi maun alin nain hitu.
Diakonu Juvito Freitas Gama, SDB moris iha Wailili Baucau iha loron 09 Dezembro 1991, oan husi aman Carolino António Gama husi uma lisan Iasula, knua Larisula, suco Saelari-Laga, no inan Eufrasia Sarmento Freitas husi knua Butufalu, suku Wailili-Baucau, nia mak oan mane datoluk husi maun alin nain neen.
Tuir observasaun STL iha Santuariu Maria Auxiliadora Fatumaka iha 15/08/2023, antes atu atu misa familia husi Diakonu nain tolu entrega ba familia Kongresaun Saleziano no partisipa iha misa solenidade Assunção Virgem Santa nian no Ordenasaun Sacerdotal husi familia Diakonu nain tolu sarani, Frater, Madre no estudantes sira.
(joa)
