DILI Implementa KO, Movimentu Transporte Privadu Kontinua Rame

DILI, STLNEWS.co – Maske iha kapital Dili implementa Konfinamentu Obrigatoriu (KO) no Serka Sanitaria (SS), maibe movimentu transporte privadu sira kontinua halo sirkulasaun hanesan baibain.

Iha loron hirak liu ba Konsellu Ministru (KM) deside aplika SS iha Munisípiu Dili durante loron hitu (7), atu hakotu korrente propagasaun Covid-19. Maibe realidade iha kapital Dili, maske mikrolet la halo movimentu, maibe transporte privadu kontinua lao hanesan baibain.

Tuir observasaun neebe STL hetan iha terenu, iha loron Tersa (31/08/2021), maske kapital Dili implementa KO, maibe movimentu ema ho transporte Privadu lao hanesan baibain.

Iha kapital Dili hatudu loja sira neebe laos faan sasan esensial hanesan nesesidade baziku balun taka ka suspende sira nia atividade, maibe balun kontinua loke hodi fo atendimentu ba komunidade neebe hola ropa ka sasan uma laran seluk.

Sirkulasaun transporte publiku hanesan mikrolet inklui taxi mak la halo movimentu, maibe movimentu komunidade nian ho transporte privadu (karreta no motor) lao hanesan babain, aleinde nee Loja no supermerkadu nafatin loke hodi fo atendimentu ba komunidade sira.

Aleinde nee movimentu ema nia iha loja ou supermerkadu balun uza maskara no balun la uza no laiha distansiamentu sosial.

Iha loron hirak liu ba governu liu husi reuniaun Konsellu Ministru (KM) deside implementa hikas KO ou Konfinamentu Domisiliariu (KD) jeral ba populasaun Munisipiu Dili durante loron hitu (7). KD jeral ba populasaun Munisipiu Dili hahu entre tuku 00:00 OTL, loron 27 fulan Agostu to’o tuku 23:59 OTL loron 2 fulan Setembru.

Tuir Ministru Prezidensia Konsellu Ministru (MPKM), Fidelis Leite Magalhães katak, hafoin membru KM rona aprezentasaun husi Sala Situasaun Sentru Integradu Jestaun Krize (SIJK) konaba pontu situasaun epidemiologia iha teritoriu laran, liu – liu variante Delta neebe hahu fo ameasa Timor Leste, mak KM deside implementa hikas KD jeral ba populasaun Munisipiu Dili.

Porta voz governu hatutan, ho KD jeral ba populasaun Munisipiu Dili nee bandu atu transporte publiku liu – liu mikrolet, taxi, bis kota, no anguna atu halo sirkulasaun. No atividade sira neebe governu autoriza atu lao nafatin tuir rezolusaun governu, mak hanesan estabelesimentu neebe faan aihan no sasan nesesidade bazika nian, eletrisidade telekomunikasaun, prestasaun kuidadu mediku, farmasia, postu kombustivel nian, no instituisaun finanseira sira.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: