Dili Implementa KO, Reklamante 19 Mill Seidauk Bele Simu Sesta Bazika

DILI, STLNEWS.co – Ministru Kordenador Asuntu Ekonomiku (MKAE) Joaquim Amaral hatete, seidauk bele fahe sesta bazika ba iha reklamante sesta bazika hamutuk 19 Mill iha Munisipiu Dili, tanba dadaun nee implementa Konfinamentu Obrigatoriu (KO) neebe bandu ema hotu tenke tuur hakamatek iha uma no labele sai.

 “Hau hanoin imi hatete Dili nee sofre hela KO domisiliariu jeral neebe husi reklamante sira nee ita bele dehan 19 mill iha Dili, neebe situasaun nee alina ho ida nee Ministeriu Turizmu Komersiu Industria (MTKI) prontu ona atu hahu inisia ida nee,” dehan Ministru Joaquim iha Ministeriu Finansas Aitarak Laran, Dili, Segunda (06/09/2021).

Governante nee afirma, agora dadaun sira halo hela servisu ba ida nee, nunee mos numeru boot tuir tan mai iha Munisipiu Ermera, maibe Ermera mos sofre hela hotu KO no Serka Sanitaria (SS), neebe sira halo servisu atu termina lalais ladiak .

“Ami kordena ho Ministru MTKI atu heree iha posibilidade bele halo distribuisaun lalais liu diak liu tan, atu halo lalais liu nee mak iha Setembru nia laran nee tenke distribui, tanba hatene husi Ministeriu Finansas iha ona aprovasaun iha dokumentu administrativu sira, nee duni sira presiza tempu ho ekipa ministeriu nian atu bele ezekuta servisu iha terenu,” dehan nia.

Ministru Joaquim informa katak, orsamentu ba reklamante sira nee iha, tanba nee mak orsamentu iha MTKI nunee nia bele kobre pendente sira hotu.

“Orsamentu iha Ministeriu Komersiu Turizmu Industria, tanba nee mak pendente sira hotu MTKI mak kobre ho lina ministeriu sira seluk, neebe iha hanesan agrikultura ho sira seluk tan,” dehan nia.

Enkuantu Ministru mos afirma katak, lista pendente laiha mudansa sei iha nafatin 25 mill reklamante mak seidauk hetan direitu.

Antes nee Vise Ministeriu Turizmu Komersiu Industria (MTKI) Domingos Lopes Antunes hatete, distribuisaun sesta bazika remata ona, maibe konaba reklamante ka lista pendente iha MTKI nian hamutuk rihun 21 neebe barak liu Munisipiu Dili no Ermera.

“Ba sesta bazika MTKI nian hotu ona, lista pendente ou reklamante MTKI nian deit rihun 21, barak liu iha Dili ho Ermera, MTKI nian mak 21 mill, neebe iha tempu badak semana oin sei selebra fali kontratu ba empreza sira atu hahu halo distribuisaun, tanba nee ema nia direitu,” dehan Vise MTKI Domingos iha salaun MAP kuarta (11/08/2021).

Nia dehan, reklamante sira hela deit ona rihun 21, tanba nee sei fo oportunidade ba kompania tolu sira neebe mak durante nee distribui, neebe la kritika husi komunidade sira.

“Empreza rua ou tolu, neebe performas diak, ida neebe halo distribuisaun di’ak laiha kritika ida nee mak governu sei hili atu halo distribuisaun ba lista neebe pendente. Ministru garante katak faze segundu nee sei rezolve iha fulan ida nia laran, tanba numeru neebe mak oituan,” dehan nia.

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: