Dili KO, Transporte Movimentu Ba Mai

DILI, STLNEWS.co – Iha kapital Dili implementa Konfinamentu Obrigatoriu (KO) no Serka Sanitaria (SS), maibe transporte privadu iha parte Hudi laran, Suku Bairo Pite kontinua halo movimentu ba mai.

Tuir observasaun neebe mak STL nota iha parte Hudi laran, Suku Bairo Pite, kinta 02/09/2021 transporte publiku hanesan mikrolet no taxi neebe tula pasajeiru sira laiha ida mak halo sirkulasaun iha area refere, maske iha transporte privadu hanesan motor ho kareta mak halo sirkulasaun maibe menus.

Aleinde nee iha loja Family First supermerkadu oin mos menus komprador sira, iha oin iha ema ida rua deit mak halo movimentu la hanesan loron baibain, tempu babain iha Loja oin nakonu ho ema.

Nunee mos iha W.Four supermarket mos hanesan, maske iha transporte privadu mak para iha oin, maibe movimentu ema nia menus tebes.

Tuir observasaun neebe mak STL nota mos movimentu ema nia balun iha estrada publiku sira balun uza maskara no balun laiha konsensia la uza maskara.

Iha loron hirak liu ba Konsellu Ministru (KM) deside aplika Serka Sanitaria (SS) iha Munisípiu Dili durante loron hitu (7), atu hakotu korenti propagasaun Covid-19.

Governu liu husi reuniaun Konsellu Ministru (KM) deside implementa Konfinamentu Domisiliariu (KD) jeral ba populasaun Munisipiu Dili durante loron hitu (7).

KD jeral ba populasaun Munisipiu Dili hahu entre tuku 00:00 OTL loron 27 fulan Agostu too tuku 23:59 OTL loron 2 Setembru.

Maibe iha loron Kuarta governu liu husi KM neebe mak prezide husi Visi Primeiru Ministru Jose Maria Dos reis deside hodi mantein KD jeral iha Munisipiu Dili durante loron 7 tan.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: