Diretora 1 & Sub Diretor 2 La Aseita Despaisu Ezonerasaun MSSI

DILI, STLNEWS.co – Diretora nain 1 Maria Santina De Jesus Gomes no Sub Diretor nain 2 Jose da Costa Pinto no Angelito Carceres realize la aseita ho desizaun neebe hasai husi aktual Ministra MSSI Veronica Das Dores, hodi halo ezonerasaun no nomeia fali ema nain tolu ba sira nia fatin.

Ema nain 3 nee subtitui fali sira nia fatin mak Diretor Alexandre Morais, Sub Direktor Jose Amancio no Auria Piedade pinto iha loron 8 fulan Agostu 2023.

Tuir Sub Diretor Jose da Costa Pinto katak, lideransa sira neebe servisu ho lei, mezmu iha nomeasaun politika ba kargu sira, maibe tuir lei atu nunee tau atensaun no konsiderasaun ba desizaun neebe sira enfrenta.

‚ÄúDesizaun neebe ami enfrenta liu husi ministra atual neebe hatun despaisu izonerasaun ba ami nain tolu, Diretor Jeral hanesan Diretor Ezekutivu, nomos Sub Diretor lojistika aprovezionamentu no Sub Diretor Programa, laiha fundamentasaun ba lei funsaun publiku”, dehan nia ba STL iha Bekora, Sabadu (19/08/2023).

Nia hatutan, prosedur Administrativa lei Funsaun Publika Ministra rasik la kumpri, hanesan se halo ezonerasaun tenki halo pedidu ba iha Komisaun Funsaun Publika, aneksu ho rezultadu relatoria auditoria, depois mak Komisaun Funsaun Publika hatun despaisu ba iha ministra hodi orienta fali diretor halo karta akompanhamentu, despaisu ba iha neebe hodi hein desizaun ezonerasaun husi Komisaun Funsaun Publika.

Nia esplika, kontrariu ministra foti rasik desizaun halo despaisu ida, konsidera ida nee hanesan desizaun no karta enkaminamentu nee husi kedan ministeriu. Tanba nee, Komisaun Funsaun Publika hanesan instituisaun ida neebe regulariza lei administrasaun funsaun publika iha instituisaun hotu, liu husi diresaun tun mai tenki kumpri.

Sira mos sujere ba Primeiru Ministru RDTL Senhor Kayrala Xanana Gusmao hodi fo desizaun ida nuudar rezolusaun ba desizaun nee, Tanba sira konsidera abuzu de poder, konflitu interese, lideransa hanesan nee la serve atu bele tuur iha Ministeriu MSSI ba Timor oan hotu.Husu Vise Primeiru Ministru, Ministru Coordenasaun Asuntu Sosial no Ministru Desenvolvimentu Rural Habitasaun Comunitaria (MCAS-MDRHC) hodi kontrolo no avalia Ministra MSSI tuir kompetensia iha artigu 14, DL No. 46/2023 de 27 Julho katak koordena hodi controlu politika definidas husi konsellu Ministru iha asuntu social, alen de nee mos, akompania no avalia serbisu prestasaun atendementu membru governu MSSI no solusiona juridikamente ba kazu refere.Husu komisaun FP hodi haree fila-fali ami-nia karta reklamasaun submetido iha 11 de Agostu 2023, hasoru despacho ezonerasaun Ministra MSSI actual la iha fundamentasaun ba lei Administrasaun Publiku iha vigor. Husu mos Membru Parlamentu Nasional nuudar lejislador bele levanta iha plenaria atu la repete lideransa arogansia no bosok-ten iha ba future.Nunee, ikus liu husu Instituisaun independente CAC atu halo investigasaun lalais Kazu Aprovizionamentu period 2016-2022 CNR, tuir dekretu Lei n: 7/2020, 26 Agost define medida sira Prenvensaun no Kombate Korupsaun bele hametin justisa iha area hotu ba boa governasaun buras iha Timor-Leste.

(ter)

LEAVE A REPLY

Please enter your comment!
Please enter your name here