DNPKK Rejistu Kazu Insidente Hamutuk 757

DILI, STLNEWS.co – Tuir dadus husi Sekretaria Estadu Protesaun Sivil (SEPS), liu husi Diresaun Nasional Prevensaun Konflitu Komunitariu (DNPKK), durante tinan 2020, sira rejistu kazu insidente hamutuk 757 iha territoriu nasional, maibe liu husi meiu aproximasaun, iha kazu 317 sira konsege rezolve ho dalan mediasaun.

“Iha 2020, ami rejista hamutuk 757, nee dadus total. Ami konsege rezolve 317, ida nee aproximasaun iha, i konsege rezolve ita reduz too deit kazu naton mak ita iha hela”, dehan Diretor DNPKK, Antonio Viegas, ba STL iha Salaun Ministeriu Interior (MI), Vila verde, Kuarta (23/06/2021).

Husi kazu hirak nee, barak liu liga ba konfrontu entre joventude sira, tanba dala-ruma ho kampu servisu laiha, maibe kazu balu akontese tanba, mosu entre Grupu Arte Marsiais (GAM) sira iha kada bairru.

“DNPKK mak halo aproximasaun ho parte rua, depois autoridade lokal sira mos iha oin, oinsa para haree no akompana, tanba ami iha matadalan para atu haree ba asuntu nee. Tanba durante nee, kazu barak liu akontese iha munisipiu sira hanesan, Dili, Baucau, Maliana, maibe munisipiu sira seluk nee, kazu numeru menus”, dehan nia. Tuir planu, iha semana oin parte ekipa mediasaun husi DNPKK nian, sei halao mediasaun ba kazu balu iha munisipiu Likisa, Ermera, Manatutu, Aileu inklui fatin seluk tan.

Iha fatin ketak estudante Universidade Nasional Timor-Lorosae (UNTL), Departamentu Direitu Geral, Celestino de Araujo hatete relasiona ho situasaun agora nian, tuir nia observasaun neebe maka iha haree liuliu ba joven sira neebe maka inklina aan ba iha grupu arte marsiasis sira dalaruma sira maka uza la ho diak.

“Tanba ita haree maioria joven minoridade inklina aan barak tebes iha grupu artemarsiais nee no uza la tuir fatin hodi hafoer rasik fali grupu sira nia naran, tanba ema uza grupu nee atu hadia aan I salva ema nia aan maibe sira uza fali hodi sadik malu ka goza malu hodi mosu bebeik problema,” dehan nia.*

Reportajen: Efizenia da Costa

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: