DNPKK Sensibiliza Matadalan Mediasaun Sensivel Jeneru

DILI, STLNEWS.co – Ministeriu Interior liu husi Diresaun Nasional Prevensaun Konflitu Komunitariu (DNPKK) hamutuk ho parseiru UN WOMEN, halo sensibilizasaun matadalan mediasaun sensivel jeneru ba estudante universitariu sira.

Tuir Diretor DNPKK Antonio Viegas informa, sensibilizasaun matadalan no mediasaun sensível ba jeneru nee importante tebes ba estudante sira, tanba sira mak sai hanesan autor ba dezenvolvimentu nasional no iha sosiedade.

“Sensibilizasaun ba loron ohin nee importante ba estudante sira, primeiru sira mak sai hanesan autor, oinsa para lori dezenvolvimentu ba sosiedade. Saida mak tenke hatene husi nee, entaun ami mos aprezenta matadalan husi ami nian, atu hato’o ba sira para sira komprende didiak oinsa sira bele sai referensia, i oinsa atu dezenvolve tan deit,” dehan Diretor DNPKK, Antonio Viegas iha salaun Luz Clarita, Dili, Segunda nee (11/10/2021).

Nia hatete, matadalan sensivel ba jeneru nee mos hetan ona aprovasaun husi Primeiru-Ministru Taur Matan Ruak no Ministru Interior, tanba nee utiliza hodi bele introdus ba estudante universitariu no mos komunidade sira atu bele hatete.

Iha fatin hanesan, Analista Programa Feto Paz no Seguransa UN WOMEN, Leonesia Tekla da Silva reforsa, UN WOMEN halo parseria ho governu Timor-Leste, Ministeriu Interior no Sekretariu Estadu Protesaun Sivil no DNPKK tinan 10 ona.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...