Dom Norberto Too Fali Timor, Depois Tratamentu Iha Malazia

DILI, STLNEWS.co – Bispu Dioseze Maliana, Dom Norberto do Amaral durante semana rua resin halao tratamentu iha Malazia, ohin too fali ona iha Timor Leste ho aviaun Batik Malaysia, too iha Aeroportu Internasional Nicolau Lobato Komoro iha oras tuku 9:15 dadersan, tanba rekupera ona ninia saude.

“Tratamentu Amu Bispu nian diak i grasa de Deus, iha primeira hora Amu Bispu too iha Malazia nee doutor sira simu Amu Bispu i halo tratamentu tuir buat neebe mak ita nia Doutor Guido Valadares fo nee, doutor sira husi Malazia ba halo tuir astrak deit, maibe sira cek up fila fali hodi haree  saida mak bispu iha no sira rezolve problema ida pur ida,” lia hirak nee hatoo husi akompanha Amu Bispu ba halao tratamentu iha Malazia, Padre Levinson Verdial ba jornalista sira iha Aeroportu Internasional Nicolau Lobato Komoro, Kuarta nee (13/04/2022).

Nia hatutan, problema Amu Bispu nian moras too iha Malazia rezolve hotu, ikus mak terapi, nee sei bele halo terapi iha Timor, nee mak ohin ami fila, maibe tuir lo-loos nee bele prolonga tan semana ida ka semana rua, maibe sira haree Amu Bispu nia kondisaun diak ona, entaun sira dehan bele fila ba Timor i kontinua halo terapi iha Timor.

“Moras neebe mak Amu Bispu hetan lori too Malazia maka hipertensaun, ida nee mak kauza husi tensaun neebe maka aas, husi ida nee maka provoka ba fuan no akontese saraf ida intupidu, tanba nee mak lori Amu Bispu too Malazia, maibe grasa de Deus iha neeba doutor sira rezolve hotu,” tenik nia.

Nia afirma, amu Bispu agora rekuperadu, maibe tenki kontinua nafatin halo terapi i mezmu rekuperadu, agora daudaun bispu labele ativu lai iha servisu sira, tanba Amu Bispu Dioseze Maliana nian no Prezidente Konferensia Episkopal Timorense, tan nee servisu nee rua kedas, neste momentu maski rekuperadu saude, maibe presiza deskansa oituan lai atu nunee bele dehan, rekupera totalmente hafoin halao servisu sira.

Iha fatin hanesan, Diretor Nasional Servisu Hospitalar Ambulansia Nilton do Carmo da Silva dehan, rekuperasaun husi Hospital Guido Valadares, indikasaun refere kolabora hamutuk ho mediku sira Guido Valadares prepara amu nia dokumentus hotu, i buka, i posibilidade ba hospital neebe maka iha tempu neeba, i hospital neeba mak atu simu amu mos ho kondisaun pandemia neebe mak limita movimentu, maibe grasa de Deus ami ba duni iha loron 23 fulan kotuk, amu halo duni nia tratamentu semana rua iha neeba.

“Dokumentus i konversa neebe mak ami halao ho ekipa mediku sira iha malazia informa katak, iha amu mos problema interior, Guido Valadares  hatene katak problema iha kakutak ho struk, depois mos iha kurasaun no mos iha parte rins,” tenik nia.

Nia hatutan, grasa de Deus duranter semana rua resin amu nia tratamentu iha hospital Malazia lao ho diak i bele mai fali.

Rekomendasaun husi mediku sira haree, amu iha hospital Malazia mos hatudu katak, depois de tratamentu iha posibilidade amu ba fali hodi halo cek up, nunee haree fali progresu amu hetan durante nee.

(nat)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...