Dom Virgilio Hatoo Parabens Ba Povu TL Komemora Restaurasaun Ba Dala 19

DILI, STLNEWS.co – Arcebispo Arquidiocese Metropolitanu Dili, Dom Virgilio do Carmo da Silva, SDB hatoo parabens ba populasaun iha teritoriu Timor laran neebe iha loron 20 Maiu 2021 sei komemora restaurasaun independensia ba dala 19.

“Povu asuwain fiar nain neebe sei komemora aniversariu restaurasaun independensia ba dala 19, hatoo hau nia parabens ba povu doben Timor Leste, loron ida neebe foti matan hateke ba leten agradese maromak neebe nunka abandona povu ida nee iha nia historia libertasaun,” informa Arcebispo Arquidiocese Metropolitano Dili, Dom Virgilio do Carmo da Silva, SDB iha Camara Eclesiastika Arquidiocese Munisipiu Dili, Kuarta (19/05/2021).

Dom Virgilio afirma, loron restaurasaun independensia ida nee presiza hateke ba kotuk atu agradese ba Timor oan hotu neebe kontribui ona ba Timor nia ukun rasik aan, liu liu sira neebe mate ona no balun nia naran too oras nee tama iha lista maibe la temi sira nia naran, atu nai maromak haraik ba sira rahun diak iha lalehan.

Tanba nee tenke kaer liman hamutuk hateke ba oin husi idak idak nia interese hodi luta hasoru situasaun neebe iha nasaun nee.

Arcebispo nee dehan, komemora loron restaurasaun independensia ba dala 19 iha situasaun ida neebe defisil tebes ba Timor Leste, liu liu dezastre naturais neebe akontese iha fulan kotuk, tanba nee presiza ema hotu nia hamutuk hodi luta hasoru situasaun nee.

“Akontesimentu 4 de Abril 2021 saida mak ita haree, laos Timor oan sira iha rai laran nunee mos rai liur neebe la sente hakmatek wainira haree Timor oan nee iha susar laran, situasaun nee obriga Timor oan barak la tauk atu hakat ba sentru akolhamento sira, nunee mos la moe atu fo tulun maluk sira neebe iha susar laran, maske ita nia tulun ba sira kiik maibe dala ida tan ita hatudu ita nia solidariedade nudar Timor oan,” esplika nia.

Maibe seidauk hotu, situasaun defisil ida mai tan hanesan moras Covid-19, nunee presiza Timor oan hotu atu lolo liman ba malu hodi kombate moras nee.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: