DILI, STLNEWS.co – Reflesaun husi leitura no Evanjelhu Domingu V du tempu paskua nian hafanu tebes sarani sira ba hahalok fiar nian, oinsa atu tuir ezemplu eskolante Paulo nian, neebe la tauk ameasa, la tauk mate, maibe tanba domin Kristu nian, nia aten barani hodi halaman.
Lia murak nee hatoo husi Amu Vigariu Parokia Imaculada Conceição Katedral Dili, Padre Leandro Maria Alves liu husi omilia wainhira prezide misa iha Igreja Katedral Dili, Domingu nee (15/05/2022).
Padre Leandro esplika, domin hahalok ida neebe identifika ema fiar nain, Kristaun Katoliku nian mak kapasidade atu hatene hadomi fo aan ba mate, fo aan ba ema seluk, ida nee mak hatudu ba Nai Jesus Kristu.
Amu selebrante esplika, iha primeira leitura rona oinsa Paluo ho Barnabe Jesus Nia eskolante depois de resureisaun ho aten berani enkoraza maluk sira atu moris tuir esperiensia konaba Jesus resusitadu, neebe sira koko no haree iha sira nia moris.
Kontinua ba pajina 2
