DILI, STLNEWS.co – Liu husi omilia Pe. Lourenso Neves SDB, katak, ohin tama ba Domingu da-4 tempu paskua nian, Jesus konvida ema hotu atu sai bibi atan diak ba maluk sira seluk, no prontu atu servi.
Bibi atan nee hatete, tuir tradisaun kristaun nian Domingu da 4 povu haksolok, ou Domingu bibi atan diak nian ka Domingu neebe dedika ba kristu nudar bibi atan diak, no iha Domingu da 4 paskua nee mos fo hanoin konaba vokasaun ba nai lulik no bispu sira nomos religiozu no relijioza sira.
“Hau hanoin ida nee konvite ida neebe mak Jesus hakarak husik hela mai ita, Jesus konvida ita hotu atu sai bibi atan diak ba ita nia maluk sira seluk, prontu fo ita nia aan tomak no ita nia moris tomak atu servi ema seluk no halo buat diak mak ita sei manan Nai Maromak nia bensa iha ita nia moris, oinsa respeita ema seluk nia liberdade hodi evita hahalok aat, no evita hanoin aat atu estraga ema seluk, tanba bainhira ita hanoin estraga ema seluk mak ita estraga ita nia moris rasik,” dehan bibi atan Pe. Lourenso Neves liu husi omilia iha igreja Parokia Maria Auxiliadora, Komoro (30/04/2023).
Bibi atan nee dehan, povu Israel sira konsidera liurai sira bibi atan diak ba povu Israel sira, tanba sira reprezenta Maromak hodi tau matan ba Maromak nia povu, lori Maromak nia domin no lori Maromak nia justisa ba Maromak ninia povu.
Nia sublina, liu-liu ba ema kiak no ema kbiit laek sira i ema hirak neebe ema la tau matan iha sosiedade, liurai sira nia knar nudar bibi atan diak mak atu lori maromak nia domin no maromak nia justisa ba maromak ninia povu liu liu, ba sira neebe kiak no sira neebe ema la tau matan iha sosiedade nee mak bibi atan diak sira nia knaar.
Nia afirma, iha loron testamentu Maromak haruka nia oan mane mai iha mundu nia simu titulu ida nee, Jesus kristu terkenal ho bibi atan diak povu İjrael nian, nomos bibi atan diak ba fiar nian no ema hotu hotu.
Nunee mos Jesus sai bibi atan diak, tanba nia hatudu dalan loos ba ninia bibi sira liu husi ninia lia fuan no nia hahalok sira iha evanjelhu rona sasin ida nee.
“Jesus hatudu mai ita dalan husi nia hanoin sira no buat diak hotu neebe mak nia halo mai ita, no bibi atan diak nia prontu fo nia aan tomak no nia moris tomak ba ema seluk nia diak,” hatutan nia.
(dom)
