DILI, STLNEWS.co – Durante eleisaun prezidensial primeira ronde too segundu ronde, Polisia Nasional Timor Leste (PNTL) rejistu kazu insidente 5.
Komandante Polisia Nasional Timor Leste (PNTL) Munisipiu Dili, superintendente Xefi Polisia, Henrique da Costa hatoo lia hirak nee ba jornalista sira iha nia knaar fatin, Kaikoli, Dili, Kinta nee (28/04/2022).
“Ba iha eleisaun primeira ronde nian ita rejista insidente hamutuk 4, no ba iha segunda ronde ita rejista insidente 1 deit, maibe nia la tama ba iha krimi eleitoral nian, tanba nia fora husi oras husi kampanha nian,” dehan nia.
Tanba nee, wainhira investigador sira prosesu halo kedas komunikasaun ba iha prokurador no hetan orientasaun, tanba nee mak iha kampanha segunda ronde ho mos eleisaun nian la rejista kazu krimi ruma.
Iha biban nee, Komando PNTL Munisipiu Dili liu husi Komando Eskuadra Kristu Rei halo operasaun iha fatin nee, konsege prende motorizadas hamutuk 500, mikrolet 11, inklui mos taxi 4, tanba kontra lei kodigu estrada.
Enkuantu, Komandante Seksaun Tranzitu Munisipiu Dili, Inspetor Polisia Domingos Sarmento Gama hatete, atividades operasaun konjunta neebe mak sira halao bazeia ba orientasaun husi komando, hodi halo auto stop iha estrada publiku sira.
(efi)
