Eduka Oan, Feto – Mane Tenke Kolabora

DILI, STLNEWS.co – Feto ho mane presiza kolabora hamutuk hodi eduka oan sira iha uma laran no ba futuru.

Kestaun nee hatoo husi Vice I Prezidente Parlamentu Nasional, Maria Angelina Sarmento ba STL iha Palasiu Prezidente, Kinta (10/06//2021) hatete, deklarasaun neebe mak hatoo husi Prezidente Republika katak, feto mak airin iha familia nee pertinente tebes, tanba nee mak iha familia feto ho mane presiza hamutuk oinsa atu eduka oan sira iha futuru.

“Deklarasaun ida nee pertinente tebes tanba feto mak hanesan airin ba familia atu dehan katak feto ho mane tenke kolabora hamutuk atu bele eduka oan sira iha uma laran, responsabilidade atu eduka oan iha uma laran laos feto deit mane mos tenke simu responsabilidade atu eduka oan no prepara sira iha futuru, no feto mos hola desizaun hamutuk ho mane oinsa oan sira atu hakat ba oin,” hatete Vice PPN nee.

Vice PPN nee hatutan, iha uma laran presiza mos konsidera feto nia lian no feto nia pensamentu, oinsa edukasaun iha uma laran no laos responsabilidade feto deit maibe mane mos.

Iha biban nee Angelina mos hatoo ba feto hotu katak feto tenke nakloke aan atu hasoru dezafiu no simu oportunidade atu buka oportunidade.

“Feto labele hein deit, ita labele orgulho, ita nia lei fo profizaun ba feto nia barak ona be ita trasa tiha liman ita hein deit oportunidade mak buka ita nee labele, oportunidade mai bainhira ita rasik nakloke aan atu buka oportunidade ida nee,” katak nia.

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: