EE Ba Dala XV Renova Ona Iha PN

DILI, STLNEWS.co – Deputadus nain 39 aprova ona pedidu Prezidente Repúblika neebe husu atu estende tan Estadu Emerjensia (EE), ba dala XV (15). EE nee renova ho votus afavor 39, abstensaun 20, no kontra 0 (zero).

Liu husi sesaun plenaria Kuarta (30/06/2021) iha Uma Fukun Parlamentu Nasional (PN), iha debate ba estensaun EE nee, aprova tan ona ba fulan ida, neebe sei validu iha dia 2 Jullu, oras 00: 00, no termina iha dia 31 Jullu, oras 23:59, iha territóriu laran.

Iha debate entre Deputadus ho Governu, ikus mai Prezidente Parlamentu Nasional, Aniceto Guterres submete ba vota, neebe liu husi votasaun nominal.

“Husi 65 deputadu neebe hatudu iha 65, maibe iha 59 prezentes, 6 deputadus aujentes, nunee votus afavor 39, kontra 0, no abstesaun 20. Nunee projetu de lei /V, Segunda Feira pedidu PR ba renovasaun EE aprovadu. Ita ka mundu tomak sei preokupa ho Sars-Cov-2, neebe sei ejiste nafatin, agora mosu tan virus ho variante foun ho variante sira seluk,” anúncio PPN Aniceto Guterres.

PPN hatete, situasaun hanesan nee obriga TL atu prepara an ba, oinsa moris iha sidaudan. Tanba nee ho liafuan husi governu liu husi sala de situasaun fo hanoin katak moris ho realidade foun, neebe oinsa atu moris ho realidade foun, mai fiar ba VIII Governu konstitusional, atu implementa didiak EE neebe mak PN renova ona, nunee hodi orienta no prepara povu tomak hasoru iha rai ida nee.

Tanba nee PPN, hatoo agradese ba PM ho membru Governu hotu, neebe mak kontribui ona ba rai ida nee.

Entretantu Vice Bankada CNRT Deputadu Patrocíno Fernandes deklara, EE lao tiha ona fulan sanulu resin-hat (14), ohin ba fulan sanulu resin-lima (15). Fulan balun nia laran, governu aplika polítika konfinamentu ba sidadaun sira, ho objetivu maka prevene no kombate propagasaun Covid-19. Ita hotu hatene katak polítika konfinamentu mak limita povu ninia sirkulasaun ba-mai, povu labele buka moris hodi sustenta sira nia nesesidades loron-loron nian.

Nia dehan, impaktu lójiku husi EE maka setór negósiu no kompañia barak falidu, jovem barak lakon servisu tanba empregadór hapara sira nia kontratu, reseitas doméstika estadu nian tun ba beibeik, negósiu informal lakon kompradór, no sirkulasaun osan iha povu nia leet oituan tebes. Situasaun nee bele justifika husi povu neebe hamlaha, Governu la foti ba kestaun hodi buka solusaun, halo intervensaun sempre atraza no povu protesta.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: