EE, SS, & KO Fo Sofrementu Ba Povu

DILI, STLNEWS.co – Forsa Humanista Timor Leste (FHTL) lamenta ho desizaun VIII governu, neebe aplika estadu emerjensia (EE), serka sanitaria (SS), no konfinamentu obrigatoriu (KO) fo sofrementu ba povu.

Tuir porta voz FHTL, Luis Mota hatete, Forsa Humanista Timor Leste hanesan organizasaun voluntariu neebe kompostu husi juventude intelektuais iha nivel nasional, munisipiu Postu, Suku too Aldeia no diaspora, neebe maka kontribui ba prosesu dezenvolvimentu nasional liu husi pilar edukasaun popular, preokupa no lamenta tebes be desizaun VIII Governu.

“Preokupa no lamenta tebes desizaun VIII governu neebe aplika lockdown, estadu emerjensia, serka sanitaria no konfinamentu obrigatoriu hodi fo sofrimentu be povu” tenik porta voz FHTL liu husi Konfrensia Imprensa iha Ailoklaran, Dili, Segunda (31/05/2021).

Nia dehan, Forsa Humanista Timor-Leste preokupa tebes ho implementasaun Eskola ba uma, ninia efektividade neebe mak prezudika ba kualidade no kuantidade alunus sira husi pre eskolar too institutu superior, tanba iha fatores lubuk ida neebe maka la fo kondisoens ba Inan aman atu apoiu nesesidade estudantes sira hanesan, pulsa, telfone, televizaun no rede internet la sufisiente ba prosesu aprendizajen iha nivel nasional, munisipiu too area remotas, infelismente Forsa Humanists Timor-Leste haree katak inserteza politika neebe akontese iha 2017 ate agora fo implikasaun ba prosesu demokratizasaun
iha estadu Timor-Leste.

FHTL mos lamenta ho atitude atuasaum oknum PNTL nian neebe akontese bebeik ona iha Kuluhun, Manufahi, Covalima, Mascarenhas no atuasaun neebe mak kontinua repete iha Tasi-tolu.

Nia hatutan, Forsa Humanista Timor-Leste propoin mos ba oknum PNTL atu halo atuasaun iha publiku tenke mai ho atitude humanismu hodi refleta ba motto PNTL nian hateten katak Servi e Protejer, no KRDTL iha artigo 147, numero 2, katak prevensaun kriminal tenki halao ho respeitu ba direitus humanus.

Reportajen: Maria Tavares
Editora: Domingas Soares

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: