Eis Jornalista STT Lakon Belun Diak Metha Guterres

DILI, STLNEWS.co – Eis jornalista Suara Timor Timur (STT) Ou Suara Timor Lorosae (STL), João Baptista Florindo da Costa Guterres alias Metha Guterres, fila hikas ona ba nain nia kadunan santo. Husik nia viajen rohan laek nee husik hela triste boot ba nia belun sira.

Eis jornalista Suara Timor Timur (STT) no Suara Timor Lorosae (STL) husik hela mundu hodi fila hikas ba kadunan lalehan iha Hospital Nasional Guido Valadares (HNGV) Dili iha Domingo (6/6/2021), tanba sofre moras kroniku rins.

Eis Managing Editor STL nia mate nee halo nia kolega, amigu, no parentes sira hotu hakfodak no triste. Metha Guterres mate ho idade 49 anos. Moris iha Uatolari, Munisipiu Viqueque, 12 Outubru 1971.

Iha Biban nee, eis jornalista STT atual Diretora Timor Post, Suzana Cardoso ba STL iha nia knaar fatin TP, Segunda (07/06/2021) hatete matebian Metha Guterres hanesan mos mestri ba sira.

Eis jornalista STT atual Diretora Timor Post, Suzana Cardoso

“Metha Guterres ema neebe mak hahu nia profisaun hanesan jornalista iha STT iha okupasaun Indonezia sempre hamutuk ho hau, no hau konsidera nia hanesan hau nia mestri hamutuk ho Bapa nia oan sira mai husi Flores,”
hatete Suzanna Cardoso.

Eis jornalista STT nee konta katak matebian Metha Guterres ema neebe mak serbisu lahatene kolen, no serbisu husi dader too kalan, no kalan too fali loron no nia uma mak kantor, no ba uma minutu balun ou oras ida rua deit depois fila fali ba kantor deit, no nia hatene diak ema idak idak nia kapasidade, haree ema iha kapasidade no talentu diak nia kaer no motiva jornalista sira oinsa mak bele serbisu profesional liu tan.

“Hau sente lakon tebes, iha ukun an nee dala barak ami la hasoru malu atu konversa maibe nia hanesan sura ba mai nia mos hanesan fundador jornalismu iha Timor inklui nia kontribui nee aas tebes, luta ba ukun an nia, parte media nia kontribuisaun husi nia mos sura hotu tanba iha tempu okupasaun Indonezia bainhira ami halo demo iha UNTIM nia sempre fo apoiu no suporta,” hatete senior jornalista nee.

Diretora Timor Post nee hatutan, husi notisia sira nee dala ruma iha kolega balun lakoi hatun maibe nia ho matebian hein too kalan boot subar hodi hatun notisia neebe mak iha.

“Bainhira halo intrevista ho maun boot Xanana iha Cipinang, hau iha Jakarta hau telefone mai nia hein bainhira hau intrevista hotu husi Jakarta mai, nia mak hatun, nia nunka hasai titik, koma ruma maibe hatun tomak deit, nia apoiu makas no fo kontribuisaun makas los, no STT nia naran boot iha tempu kladestina neeba bainhira sira neebe mak halo serbisu luta ba ukun rasik an nee sura ho Metha Guterres nia kontribuisaun.” katak nia.

Suzana hatutan, durante hamutuk laharee karakter ida siak ten no haree deit buat neebe mak diak, no matebian Metha Guterres mos sai hanesan mestri maibe sai hanesan mos maun ba eis jornalista nee hodi motiva oinsa mak atu forsa hodi hasoru problema saida deit.

Nia hatutan matebian mos ema neebe mak hadomi nia serbisu tomak no serbisu ho fuan no lahatene sura katak serbisu kolen.

Nunee mos, eis jornalista senior STT atual Xefe Redasaun Timor Post, Rosa Gracia hatutan, nia sente triste lakon nia belun diak ida neebe mak durante nee sira hamutuk iha STT. “Momentu hau tama iha STT iha Tinan 1996 hau konese ona Metha Guterres no nia serbisu ona iha Redasaun, nia mos iha papel importante iha vida jornalista, ami konese malu iha vida jornalista maibe depois tempu ami lao, laos deit ona kolega diak maibe hanesan mos familia ida, maun ida neebe mak tau matan ba ami, liu liu feto tanba momentu neeba feto oituan deit iha STT, kolega balun husi Indonezia tuir, maibe feto Timor lubuk ida, maibe hau, ibu Suzanna, ho Ibu Santina mak hela metin iha neeba, too 1999 fahe malu no ami nain tolu hamutuk harii Timor Post,” dehan Xefe Redasaun Timor Post nee.

Eis jornalista senior STT atual Xefe Redasaun Timor Post, Rosa Gracia

Nia konta tuir tan katak, matebian ema neebe mak gosta koalia no gosta halo komiku no lais halo kolega ho ema seluk. “Antes loron rua nia mate hau mos akompania ninia Facebook, nia hatete katak Graca adeus fulan ida hau baixa hau sente diak ona, ami lahatene nia baixa, no lahatene nia moras, kuandu hau koinese nia iha STT nee nia ema ida neebe mak gosta halo komik, no ema neebe mak gosta koalia no adapta an lalais,” hatete Rosa.

Rosa mos hatutan, antes matebian mate fo mos sinal ba Rosa liu husi telefone vidru metan tiha, no iha ema neebe mak telefone lian iha maibe lahatene se mak telefone nia, no bainhira hadia tiha telefone iha Timor Plaza no loke mensajen primeiru mak haree matebian nia mate.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: