Ekipa Defisiente Produs Vajo

Ekipa defisientes kompostu husi ema nain lima, neebe produs ona vajo aifunan atus rua (200), iha Munisipiu Ermera. (Foto: STL/Jacinta Sequeira)

DILI, STLNEWS.co – Ekipa defisientes kompostu husi ema nain lima, neebe produs ona vajo aifunan atus rua (200), iha Munisipiu Ermera.

Antoninho da Silva Soares, hanesan Administrasaun Finansa Ahisaun dehan, vajo sira nee laos produs iha nee, maibe ekipa sira produs iha Munisipiu Ermera, bainhira remata produs hafoin sira lori mai iha fundasaun AHISAUN nasional, para bele faan vajo sira nee ba konsumedor neebe presiza atu sosa.

“Kona ba vajo nee ami la produs iha tinan ida nee, maibe tinan kotuk liu ba, hanesan ami halo produsaun kuaze vajo atus 200, neebe mak ema sosa ona atus ida resin, maibe hela deit sia nolu nunee mak ema seidauk sosa, nee husi ekipa defisiente sira neebe mak hela iha Munisipiu Ermera, sira mak produs duni vajo aifunan sira nee. Hau hanoin produsaun ba baju aifunan nee, han tempu ba fulan rua ho balun, ema nain 4 mak produs baju sira nee, uza material lokal para hodi bele halo produsaun, tali metan, hola sementi, rai henek no rai henek tasi ninia, nomos pregu,” dehan Antoninho ba STL, iha nia knaar fatin, Ahisaun Fatuhada, Dili, Tersa (12/01/2021).

Nia dehan, vajo sira nee faan ninia presu nee la hanesan, tanba balun iha kiik liu $5 dolar, boot uituan presu $10 dolar, balun $20 dolar sae too ba iha $25 dolar rendimentu neebe hetan, fila-fali ba ekipa neebe mak produs ona vajo aifunan nee, tanba sira mak produs baju nee no osan nee tenke fila-fali ba sira.

Iha fatin hanesan, Agostinho do Rego, hanesan Programa Manajer iha AHISAUN hatete, vajo aifunan nee hanesan atividades extra ida husi fundasaun AHISAUN, tanba atividades ida nee ekipa ida halo husi Munisipiu Ermera, bainhira ekipa nee remata produs vajo sira nee, hodi bele distribui mai iha AHISAUN para bele faan.

“Iha nee kada fulan nen ami produs too atus ualu (800), maibe dadaun nee ho situasaun Covid-19, halo konsumedor sira ladun mai sosa vajo sira neebe mak ami faan iha nee, ekipa ida ema nain 5, neebe mak sira hela iha fundasaun AHISAUN sanak iha Gleno, Ermera, nee hanesan atividades ida neebe halo para bele apoiu maluk defisiente sira neebe mak hela iha Munisipiu Ermera,” tenik nia.*

Reportajen: Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here