Ekipamentus Importante Alarma Tsunami Avaria

DILI, STLNEWS.co – Institutu de Petroleo e Geologia (IPG) nia papel hanesan fiskalizador, halo arquivu no partilha informasaun ba ministeriu relevante no povu tomak, tan nee IPG identifika early warning system ekipamentus importante neebe atu halo alarma wainhira tsunami sae nee aat kleur ona, too agora seidauk hadia.

Kestaun nee fo sai husi Xefi Unidade Enjenaria Geologiku i Geoteknia, Felix J.G Jones ba jornalista Sabadu nee (30/04/2022), wainhira sai orador iha formasaun hakbiit konhesimentu jornalista ba kobertura mudansa klimatika iha Timor Leste.

“Daudaun nee ita iha ekipamentus rua neebe importante tebes, ekipamentus sira nee ita sei uza hodi detekta no halo alarma wainhira mosu tsunami ruma sae, ekipamentus nee ho naran Early warning system, neebe avaria kleur ona no too agora ekipamentus rua nee la funsiona ho diak, tanba avaria hela, tan nee susar ba ita atu halo identifikasaun karik tsunami iha,” dehan Felix J.G Jones iha Tower Fatuhada.

Nia afirma, ekipamentus rua nee, ida iha Bidau no ida seluk iha Komoro ka meteorologia nia fatin, tan nee atu hadia ou lae, nee kompetensia Sekretariu Estadu Protesaun sivil nian, tanba iha nia arae, maibe sira halo hela esforsu oinsa ekipamentus sira nee bele diak hodi fasilita Timor Leste halo detektasaun wainhira tsunami ruma atu mosu iha rai laran.

“Ekipamentus rua nee aat kleur ona, i dala ruma dezastre hanesan tsunami nee mai ita la espera. Presiza ekipamentus refere hodi halo antisipasaun, tan nee enkoraza nafatin ba ministeriu relevante atu toma atensaun ba ekipamentus rua neebe aat kleur ona nee,” afirma nia.

(mad)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...