DILI, STLNEWS.co – Situasaun sosiu ekonomiku no infraestrutura iha Timor Leste (TL) sei mukit tebes, tanba nee durante tinan 20 nian TL seidauk iha investor boot ruma mai investe iha rai laran, hodi kria kampu servisu ba Timor oan neebe dezempregu hela.
Kestaun nee fo sai husi Koodenador Lao Hamutuk, Celestino Gusmao Pereira ba STL liu husi telefone, Sabadu nee (06/05/2023).
“Durante tinan 20 nia laran, ita nia ekononia seidauk lao diak no setor infraestrutura sei fraku, tanba nee ita seidauk dada investor boot ruma mai TL hodi halo investimentu, kria kampu servisu ba joven sira, tanba nee governu foun mai tenki hadia,” dehan Koordenador Lao Hamutuk.
Tuir nia, problema barak mak too oras nee TL sei hasoru, mak hanesan sistema eletrisidade fraktu no karun tebes, sistema bee moos laiha, povu kontinua halerik no sosa bee ba konsumu, saneamentu sei fraku, tanba nee situasaun barak neebe liga ho ambiente negosiu nian fraku tebes. No atu dada investor mai mak presiza organiza didiak, problema sira nee hotu no sosiu ekonomiku no infrastruktura neebe atu atrai investor sira mai investe nee lao mukit tebes.
(mad)
