Eleisaun CAC Forma Ekipa Halo Monitorizasaun

DILI, STLNEWS Kada eleisaun neebe halao iha rai ida nee, Komisaun Anti Korupsaun (CAC – sigla portugues) sempre forma ekipa ida atu halo kontrola hahu kedan husi kampana partidu politiku sira nian.

“Hanesan instituisaun ida atu kontrola ba utilizasaun sasan estadu nian, kada eleisaun neebe iha CAC sempre forma nia ekipa hodi halo monitorizasaun ba kampana eleitoral, no prosesu eleisaun nee rasik”, dehan Comisariu Adjuntu Investigasaun CAC, Augusto da Costa Castro, ba STL iha Farol, Kuarta (08/09/2021).

Nia hatutan, agora dadaun nee seidauk forma ekipa ida, tanba sei haree lai konaba kalendariu neebe fo sai konaba prosesu eleisaun, mak sei prepara ekipa hodi ba halo monitorizasaun.

Nia dehan, monitorizasaun neebe babain halo mak ba patrimoniu estadu durante kampana partidu politiku nian.

Iha fatin ketak, Akademiku Universidade Nasional Timor Leste (UNTL) Mario Soares dehan, CAC nafatin halao nia knaar atu bele kontrola ba ema hirak neebe utiliza sasan estadu la tuir nia dalan.

“Hanoin nafatin halo kontrola kuandu mosu eleisaun, atu bele evita hahalok sira neebe la tuir regra ka regulametu balun,” dehan nia.

Nia afirma, husu parte hotu atu apoiu serbisu CAC nian, atu lao ba oin hodi haloos buat balu neebe lalos sai los.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: