Eleisaun Lideransa FRETILIN; Militante Labele Baralla Situasaun

DILI, STLNEWS.co – Iha tempu badak Partidu Frente Revolucionario Timor–Leste Independente (FRETILIN), sei halao eleisaun direta ba lideransa Prezidente ho Sekretariu Jeral Partidu, tanba nee militante sira labele hakilar tun sae, hodi fo oportunidade ba ema seluk para baralla situasaun iha uma laran.

Tuir Vise Koordenador Partidu FRETILIN Munisipiu Dili, Libert Soares, katak, bazeia ba estatutu FRETILIN artigu 60, konaba kongresu nasional no eleisaun direita ba lideransa FRETILIN nian no mos haree ba dinamika espresaun militante sira neebe preokupa tebes ho eleisaun direta ba lideransa Fretilin nian. Tanba nee kuandru munisipiu Dili, hakarak husu ba militante FRETILIN sira, atu tuur hakmatek hodi akompana situasaun husi reuniaun komisaun FRETILIN nian iha tempu badak hodi prepara ba kongresu nasional. Kongresu nasional mak orgaun soberanu aas liu iha hodi deside destinu FRETILIN nian ba oin.

“Iha reuniaun CCF deside ba eleisaun direita, komisaun Nasional Politika organizador sei loke tempu ba aprezentasaun pakote kandidatura nian. Tanba nee militante sira tuur hakmatek, lapresiza hakilar tun sae hodi fo oportunidade ba ema seluk neebe lapertense ba FRETILIN atu tama ba halo baralla iha Fretilin nia uma laran”, informa Libert, iha konferensia imprensa, neebe iha CCF, Comoro Sesta, (26/02/2021).

Nia dehan, aprezentasaun kandidatura ba lideransa FRETILIN nian, tuir estatutu tenke aprezenta kandidatu nain 2 hanesan Prezidente nomos Sekretariu Jeral ho pakote ida deit, iha loron kongresu nasional nian. Atu dehan katak, kampana FRETILIN nian sei la loke ba publiku, maibe iha uma laran mak halo kampana.

Enkuantu konaba kandidatu durante nee issu katak Rui Araujo ka militante seluk bele prense kriteria kalae, maibe nee bazeia ba estatutu FRETILIN nian, komisaun sentral sei hasai rezolusan, nunee ba iha kongresu mak deside.*

Reportajen: Guilhermina Franco/Domingas Soares
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Negosiante OB Manleuana Labele Okupa Estrada

DILI, STLNEWS.co - Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no...

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...
%d bloggers like this: