Eleisaun Presidensial, Ema Hotu Livre Kandidata An

BAUCAU, STLNEWS.co – Eleisaun presidensial neebe mak sei akontese iha tinan oin, hanesan nasaun demokratiku, ema hotu livre atu kandidata an, tantu jerasaun tuan nomos jerasaun foun.

Lia hirak nee hatoo husi Padre Parokia Santo Antonio Baucau, Pe. Manuel da Silva Ximenes, SDB ba STL iha nia knaar fatin Katedral Vila Antiga, Tersa (22/06/2021).

“Konaba kandidatu atu sai presidente nee ita tenke tuir ita nia konstituisaun, ita nia nasaun demokratiku, neebe nasaun demokratiku nee fo liberdade ba ema hotu iha direitu hakarak kandidatu an ba presidente tantu jerasaun foun no jerasaun tuan,” dehan Padre Manuel.

Nia hatutan, se deit mak hakarak kandidatu an ba presidente iha tinan 2022 too tinan 2027, laiha direitu atu limita ema neebe mak hakarak kandidatu an, tanba liberdade no konsiensia tomak no mos iha kapasidade atu lidera tomak rai, nasaun, no povu ida nee.

Amo Manuel dehan, atu kandidatu an ba presidente iha tinan oin, tenke troka mentalidade, se wainhira jerasaun foun mak sai presidente nafatin halimar ho sistema partidaria, tenke haluhan partido no hakuak ema hotu, maibe sai ukun mak haree ba kor sira seluk, mak sei terus nafatin.

Tuir Padere Manuel nia haree, durante jerasaun tuan sira nia ukun hahu husi segundo governu too mai terseiru governu, pelu menus osan sira sirkula oituan iha Timor laran, maibe aat liu mak 2017 mai oin, nunee povu mak tenke estuda atu deside eleisaun presidente iha tinan oin.

Padre Manuel foo korajen ba populasaun iha Timor laran tomak hatudu indentidade nuudar sidadaun iha obrigasaun atu kontribui ba nasaun hotu hotu, hola parte iha nasaun ida nee, koopera ho estadu tuir eleisaun presidensial neebe mak sei mai.*

Reportajen: MJ-1
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: