Eleisaun Prezidensial Pakote Ida, Desolve PN

DILI, STLNEWS.co – Docente filosofia, analista politika ISFIT, Martinho G. da Silva Gusmão sujere eleisaun Prezidensial iha tinan 2022, Prezidente Republika (PR) Francisco Guterres Lú Olo deklara pakote ida no dezolve Parlamentu Nasional.

“Eleisaun 2022 mai Prezidente Republika deklara pakote ida deit dezolve Parlamentu Nasional, tanba Parlamentu Nasional ain tohar desde meza Parlamentu Nasional nia ain tohar, ita jujur ba malu, ita perdua ba malu, ita simu malu fila ba, ita nia kultura fila ba ita nia uma kreda nee solusaun mak nee deit ona, ita simu malu maun ho alin ba malu problema hotu,” hatete Martinho G. da Silva Gusmão ba STL, iha Salaun Katedral, Dili, Domingu (09/05/202).

Nia hatutan, se kuandu idak-idak mai ho arogansia ou gengsi, mak sei laiha solusaun atu rezolve problema hotu.

“Se hakarak hatan gengsi, prontu ita sira povu tuir haree deit imi atu ba neebe, tanba ita haree ona sira nia dalan ba oin nee tenke monu, mas hau dehan beibeik governu ida nee lamonu porke nia nunka hamriik halo nusa mak nia bele monu, so ema ida neebe iha tiha ona rai nee nia lamonu, porke nia iha tiha ona rai leten buat neebe ita halo ajuda nia atu hamriik, caranya ajuda nia hamrik tuir dalan konstituisaun fo, lalika ona esplika bara-barak,” tenik nia.

Docente filosofia nee hatete laiha razaun, tuir deit ona konstituisaun, se latuir signifika aumenta problema, keta halo aumenta numeru nee atu impede dalan ba eleisaun.

“Ema barak mak hanoin dehan katak lockdown ho serka sanitaria nee parte husi tatika, tatika ida atu labele halo ema nia atividade mas tanba deit imi nia kadeira imi halo sofre povu barak, istoria sei hakerek.” katak nia.

Nunee mos Fundador Rede Observasaun Nasional Eleisaun Timor-Leste (RONETIL) Laurentino Alves hatutan, konaba eleisaun ba Prezidente Republika nia hakerek ona iha Konstituisaun Republika Demokratika De Timor Leste..

“Konseitu eleisaun ba Prezidensial nee, hatuur ona iha Konstituisaun da Republika Demokratiku Timor Leste artigu 74-78,” dehan nia.*

Reportajen: Ekipa STL

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: