Eleisaun Prezidensial Sei Realiza Iha 19 Marsu 2022

DILI, STLNEWS.co – Eleisaun ba Prezidente Republika ba periode tinan 2022-2027 sei akontese ou realiza iha loron 19 fulan Marsu tinan 2022.

Konstituisaun, liu husi artigu 86, alínea c, fo kbiit ba Prezidente Republika marka data eleisaun prezidensial no lejislativa.

Bazeia ba artigu 12, numeru 1, husi lei numeru 7/2006, 26 Dezembru (Lei Eleitoral ba Prezidente Republika), ho alterasaun hirak neebe mak halo ona ba lei nee, molok Prezidente Republika dekreta data eleisaun prezidensial, tenke rona uluk governu nomos partidu polítiku sira ho asentu iha Parlamentu Nasional.

Liu husi komunikadu neebe STL asesu husi media PR Sabadu nee (15/01/2022), Prezidente Republika Francisco Guterres Lú OLo, liu husi dekretu numeru 2/2022, neebe publika iha Jornal da República, marka ona data eleisaun prezidensial nian hodi hili Prezidente Republika ba període tinan 2022-2027 iha loron 19 fulan Marsu tinan 2022. Karik rezultadu eleisaun nee hatudu katak la iha kandidatu ida mak konsege hetan 50%+1 (metade ho votu ida tan) husi numeru total votus validus iha eleisaun nee, ita sei tuir fali eleisaun daruak.

Tuir artigu 12 numeru 2, husi Lei Eleitoral ba Prezidente Republika, eleisaun daruak sei halo iha loron tolu-nulu, sura husi loron eleisaun dahuluk. Ba eleisaun daruak nee sei la presiza ona iha tan dekretu prezidensial ba markasaun data eleisaun daruak nian,” katak PR Lú Olo.

Ba eleisaun ida nee, Prezidente Republika rona ona governu, partidu polítiku hotu ho asentu iha Parlamentu Nasional, Komisaun Nasional Eleisaun (CNE – sigla portugues) no Sekretariadu Tekniku Administrasaun Eleitorál (STAE).

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...