Eleitores Entuziasmu Vota Iha Sentru Votasaun 03 EP Bairru Pite

DILI, STLNEWS.co – Komunidade ka eleitor sira dader nee entuziasmu tebes, tanba hahu forma tuir linha hodi vota iha sentru votasaun Eskola Primaria (EP) 03 Bairru Pite.

Brigada sentru votasaun 03 Bairru Pite, Borges de Jesus hatete, sentru votasaun neebe hahu iha tuku 07:00 OTL nee fo uluk oportunidade ba fiskais no poling antes eleitor sira seluk.

“Iha sentru votasaun 03 Bairru Pite ita fo uluk oportunidade ba fiskais no poling staf atu vota antes ba eleitor sira seluk,” dehan Brigada Sentru Votasaun 03 Bairru Pite, Borges de Jesus ba STL iha sentru votasaun 03  Bairru Pite, Dili, Tersa nee (19/04/2022).

Nia dehan, iha sentru votasaun 03 Bairru Pite eleitor sira too mai forma iha linha, poling staf fahe kedas maskara, fase liman ho hand sanitizer   antes tama ba vota.

Iha ronde primeiru eleitores neebe vota iha sentru votasaun 03 Bairru Pite nee hamutuk rihun 2.770.

Tuir observasaun STL iha Sentru votasaun 03 Bairru Pite, hahu loke iha 07:00 dader no observa direita husi observador internasional no nasionál sira.

Entretantu, iha sentru votasaun 03 Bairru Pite nee hetan seguransa makaas husi Polisia Nasional Timor Leste (PNTL). Sentru votasaun neebe hahu loke  07:00 OTL sei taka iha  lokraik 15:00 OTL.

(alb)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...