Eletrisidade Iha Gleno Mate Lakan

Reprezentante povu iha uma fukun Parlamentu Nasional (PN), preokupa eletrisidade iha Munisipiu Ermera mate lakan, laiha justifikasaun ba konsumedores sira. (Foto: STL/Madalena Horta)

DILI, STLNEWS.co – Reprezentante povu iha uma fukun Parlamentu Nasional (PN), preokupa eletrisidade iha Munisipiu Ermera mate lakan, laiha justifikasaun ba konsumedores sira.

Tuir Deputadu Dominos Lemos katak, Eletrisidade iha Gleno Munisipiu Ermera, kalan ida mate too dala 10, lakan mate hela deit too mate total, too loron ida ka rua maka foin lakan, la hatene servisu EDTL nian nee halo saida deit, problema nee iha neebe, maka ahi mate lakan hela deit nee.

“Ita la kompriende mina maka laiha ka ou osan atu sosa mina maka laiha, tanba ami mate laiha informasaun ba konsumedor sira, tanba povu bain hira hetan naroman laos uza ahi gratis maibe sosa pulsa maka foin naroman, karik ahi mate hela deit maka bele estraga ema nia sasan eletronik sai aat hotu, tan nee presiza esplikasaun ruma husi governu,” dehan Deputadu Domingos Lemos iha Parlamentu Nasional Tersa (05/01/2021).

Nia mos afirma liu tan katak, ahi iha Gleno maka mate loron loron tiha ona hanesan nee, oinsa iha postu Administrativu sira nee, bele mate permanente, no osan aloka ba parte relevante nee boot tebes, tanba atu garante direitu konsumedor sira nian, maibe realidade ahi mate lakan, dala ruma mate loron ida ruma maka foin lakan, oinsa atu garante direitu konsumedor sira nian.*

Reportajen: Madalena Horta/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here