DILI, STLNEWS.co – Ema ho Defisiensia fo parabens ba Primeiru Ministru (PM) Kay Rala Xanana Gusmão hamutuk ho membru governu nain 47 neebe simu ona pose, atu halao knaar hodi servi povu no nasaun ida nee ba tinan 5.
“Lori kolega Ema ho Defisiensia iha Timor laran tomak fo apresiasaun no hatoo ami nian parabens ba PM Kay Rala Xanana Gusmão hamutuk ho nia membru sira tomak,” hatete Defisiensia Gabriel Oliveira de Araujo ba STL, bainhira partisipa serimonia tomada de pose iha Palasiu Prezidente Aitarak Laran, Dili, Sabadu (01/07/2023).
Nia dehan, Ema ho Defisiensia sira fo fiar tomak ba Primeiru Ministru Kay Rala Xanana Gusmão, sei halo mudansa duni ba rai no povu ida nee.
Primeiru Ministru Kay Rala Xanana Gusmão neebe ohin simu ona pose, ami fiar katak sei halo mudansa duni ba rai no povu ida nee, liu-liu ami defisiensia sira neebe mak hein hela hakarak haksolok mos hanesan maluk sira seluk,” nia tenik.
Iha fatin hanesan, povu kiik Carlos Monteiro hatoo parabens ba Primeiru Ministru Kay Rala Xanana Gusmão hamutuk ho membru governu nain 47 neebe simu ona posse, ita espera govenru foun nee bele hadiak povu nia moris no lori nasaun ba dezenvolvimentu,” nia esplika.
Nia dehan, IX Governu neebe lidera husi Primeiru Ministru Kay Rala Xanana Gusmão asina termu pose perante Prezidente Republika Jose Ramos Horta fo knaar ba IX Governu Konstitusionál ho diak.
“Ita fo parabens ba membru govenru sira neebe ohin simu ona pose, espera katak sira sei halao knaar ho responsabilidade, nunee povu bele senti dezenvolvimentu iha nasaun nee,” nia afirma.
(jen)
