Embaixada Australia Loke Filme Top End Wedding

(Foto: STL/Emerenciana Pinto)

DILI, STLNEWS.co – Embaixada Australia loke Filme ho nia titulu “Top End Wedding”, neebe produs ona ba lian Tetun.

Embaixada Australia halo nonton filme hamutuk ba filme neebe sei lori husi Cinema Lorosae iha tinan ida nee. Filme nee nia títulu mak “Top End Wedding” neebe produs ona iha lian Tetum nuudar parte ida husi Dili International Film Festival.

Enkarregadu Xefe ba Embaixada Australia Philippa Venning liu husi diskursu iha Salaun Benfica Sabadu kalan (03/10/2020) hatete filme ho topiku “Top End Wedding” hodi konta istoria kazal ida neebe mak hakarak realiza sira nia misaun kazamentu furak tuir sira nia mehi.

Foto: STL/Emerenciana Pinto

“Ho artista rai nain Miranda Tapsell hanesan artista prinsipal filme nee, selebra ho tema ho familia ho Domin ho nasaun neebe universal” katak Venning.

Nunee mos liu husi intervista Enkarregadu Xefe ba Embaixada Australia Philippa Venning hatutan filmajen ida ohin nee filme ida konaba Australia nia, maibe barak liu iha area teritoriu Norte Darwin neeba neebe mak iha relasaun oituan ho timor leste.

No filme nee halimar ho ema Australia rai nain Aborijin artista famozu ida naran Miranda Tapsell no iha relasaun ho Timor tanba nee mak Embaixada Australia fahe ba filme nee ba Iha Timor.

Nia hatutan atu halo filme nee iha Australia maibe han tempu oituan maibe halo fali tradusaun ba tetun mak han fulan balun nia laran.

Foto: STL/Emerenciana Pinto

Nia mos iha espera katak ho filme neebe mak haree atu sidadaun neebe mak halo filme iha Timor leste mos bele haree no halo tuir.

Iha biban nee Embaixada Australia iha Timor leste liu husi Enkarregadu Xefe ba Embaixada Australia Philippa Venning mos entrega sertifikadu ba Timor oan neebe mak tradus ona filme refere ba lian Tetun*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here