Embaixador Brazil Despedida Ho PR

Embaixador Brazil iha Timor-Leste, Aldemo Garcia despedida ho Prezidente Republika (PR) Francisco Guterres Lú Olo, tanba remata ona nia mandatu durante tinan haat iha Timor-Leste. (Foto: Media PR)

DILI, STLNEWS.co – Embaixador Brazil iha Timor-Leste, Aldemo Garcia despedida ho Prezidente Republika (PR) Francisco Guterres Lú Olo, tanba remata ona nia mandatu durante tinan haat iha Timor-Leste.

Kestaun nee hatoo husi Embaixador Brazil, Aldemo Garcia ba jornalista iha Palasiu Prezidente Nicolau Lobato, Bairru Pite, Dili, Kuarta (25/11/2020).

Nia hatete Ohin hasoru malu ho Prezidente Republika hodi hatoo despedida, tanba mandatu remata ona iha Timor Leste.

“Hau mai hasoru Prezidente Republika hodi halo despedida, tanba hau nia mandatu nuudar embaixador Brazil iha Timor Leste durante Tinan haat 4 remata ona, tanba bee mak hau halo despedida ho Prezidente no aproveita konversa mos sobre koperasaun Brazil ho Timor Leste” hatete Embaixador Brazil nee.

Hafoin despedida malu ho PR Lú Olo, Embaixador nee mos halo diskusaun ho Xefe Estadu kona-ba relasionamentu entre Timor-Leste no Brazil.

Embaixador nee mos sente kontente tebes, tanba durante tinan haat nia laran servisu diak tebes ho Timor-Leste liu husi kooperasaun teknika sira.

“Kooperasaun teknika mak liga liu ba kooperasaun bilateral entre nasaun rua nee, komesa TL ukun-aan iha 2002, Brazil implementa ona projeitu kuaze 100 iha TL iha seitor oioin neebe liu husi Ajensia Kooperasaun Brazileiru (ABC),” nia dehan.

Embaixador nee hatutan, projeitu prinsipal sira mak kona-ba konsolidasaun ba estadu nasional Timorense. Depois sira mos kontente tanba iha tan ona kooperasaun tekniku foun hanesan Komisaun Anti Korupsaun (KAK) iha TL, depois iha mos establisimentu programa maestradu ba lian Portugeza iha UNTL liu husi Universidade Fedaral da Santa Catarinha do Brazil.

Nunee mos kooperasaun foun ho Komisaun Funsaun Publika (KFP), para hanorin lian Portugueza ba tekniku sira iha administrasaun publika iha TL. Iha kooperasaun ida neebe importante liu mak iha area agrikultura nian, tanba empreza Brazil ida neebe halo peskiza iha area pekuaria, entaun halo kooperasaun ho TL, importante liu Brazil halo kooperasaun ho TL iha seitor agrikultura.

Iha enkontru nee, PR Lú Olo simu ho haksolok no konkorda ho planu kooperasaun sira neebe Brazil halo ho TL.

“PR Lú Olo simu, entaun nia mos dehan, TL presiza rezolve kestaun seguransa alimentar, entaun bainhira pandemia ida nee mak liu ona no fulan neebe sei mai, hahu haree ona ba ajensia kooperasaun Brazileiru nomos haree ba kooperasaun tekniku ba empreza Brazileiru neebe halo peskiza iha agro-pekuaria nian, para halo levantamentu ba seitor agrikola iha TL,” dehan nia.

Nunee mos embaixador foun husi Brazil neebe sei troka atual embaixador iha TL neebe sei termina nia misaun iha semana oin, iha loron 14 too ona TL para kontinua servisu neebe durante tinan haat hau halo ona iha TL.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here