Embaixador Brunei Despede Malu ho PR Lú Olo

Embaixador Brunei Darusalam iha Timor-Leste Haji Adnan Bin Haji Jaafar despede malu ho Prezidente Republika (PR) Francisco Guterres Lú Olo tanba misaun remata ona iha Timor-Leste durante tinan rua nia laran. (Foto: Media PR)

DILI, STLNEWS.co – Embaixador Brunei Darusalam iha Timor-Leste Haji Adnan Bin Haji Jaafar despede malu ho Prezidente Republika (PR) Francisco Guterres Lú Olo tanba misaun remata ona iha Timor-Leste durante tinan rua nia laran.

Bainhira remata enkontru Embaixador Brunei Darusalam iha Timor-Leste Haji Adnan Bin Haji Jaafar ba jornalista iha Palasiu Prezidente Bairru Pite Tersa (17/11/2020), nee hatete Embaixador nia hasoru malu ho PR Lú Olo, tanba misaun remata ona, nunee fo hela komprimentus ba PR.

“Hau mai hasoru malu ho Prezidente RepUblika (PR) hodi kumprimenta hela hau-nia adeus ba nai Prezidente, tanba hau mai servisu iha nee, entaun hau agradese ba servisu hamutuk neebe durante nee fo ba ami,” dehan Embaixador Haji bainhira halo despedida, xefe estadu mos apresia ba kooperasaun neebe iha ona, entre Timor-Leste ho Brunei Darussalam.

Entretantu, kooperasaun neebe TL ho Brunei Darussalam iha nee barak neebe iha kontinente asean hanesan edukasaun, saude no kapasitasaun, neebe Brunei apoiu TL hodi hadiak liu tan setor sira nee.

Alende nee mos, nasaun rua nee sei halo akordu ida kona-ba aero ninian, bainhira TL remata ona nia peskiza.

Embaixador nee mos hein katak Embaixador foun neebe sei mai, bele kontinua servisu kooperasaun sira nee diak liu tan iha futuru.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here