Embaixador EUA Hasoru MAPKOMS

DILI, STLNEWS.co – Embaixador Estadus Unidus Amerika (EUA) iha Timor Leste hasoru malu ho Ministru Asuntu Parlamentu no Komunikasaun Sosial (MAPKOMS) hodi koalia kona ba servisu ministru nian iha area parlamentu no komunikasaun sosial.

“Hau hanoin Embaixador Estadus Unidus Amerika ohin mai iha nee hakarak hasoru malu ho hau, nia husu kleur ona maibe hau foin mak iha tempu, hasoru malu ho nia, kontente tebes tanba ami bele koalia ba malu no nia husu kona ba hau nia servisu iha area asuntu parlamentu no komunikasaun sosial,” tenik Francisco Jeronimo Martins ba jornalista sira Iha edifisiu MAPKOMS, Palasiu Governu, Kinta (08/07/2021).

Governante nee informa, iha hasoru malu nee embaixador informa katak governu Amerika prontu hela atu ajuda kualker area saida deit hanesan mos komunikasaun sosial, tanba nia ba ona hasoru Prezidente RTTL.

Iha fatin hanesan, Embaixador EUA, Kevin Blackstone katak, hasoru malu ho ministru atu komprende diak servisu MAPKOMS nian.

“Hau hasoru ministru atu komprende diak liu tan kona ba sira nia servisu, Ministru Asuntu Parlamentu no Komunikasaun Sosial esplika nia servisu iha parlamentu, reprezenta governu iha parlamentu, hanesan ministru i gerente leis kona ba media sira, no mos halo diskusaun kona ba supervizaun ministeriu nian neebe mak halo ba RTTL no agensia Tatoli, katak governu nia apoiu ba RTTL no Tatoli governu la interven nia konteudu neebe ke RTTL nian,” nia hatete.

Aleinde nee koalia mos kona ba inundasaun neebe hamosu impaktu aat tebes ba iha edifisiu RTTL, entaun ohin iha diskusaun katak sei halo uma provizoriu ida ba RTTL, hodi nunee bele funsiona nafatin no tinan hirak tuir mai sei apoiu tan RTTL hodi dezenvolve diak liu tan.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: