Embaixador EUA Vizita Kortejia Ba Sede PD

DILI, STLNEWS.co – Embaixador Estadus Unidus Amerika (EUA) iha Timor Leste, Kevin Blackstone, halao vizita kortejia ba sede Partidu Demokratiku (PD).

Tuir Prezidente PD, Mariano Assanami Sabino katak, enkontru ida importante entre Embaixada Amerika ho Partidu Demokratiku. “PD desde harii, sempre iha ligasaun neebe mak besik tebes ho embaixada sira hotu, liu liu embaixada sira neebe mak importante hanesan Amerika, Xina, ho Australia, no mos embaixada sira seluk. Kuandu bainhira PD hola parte iha opozisaun no mos ho la ukun mos, sempre iha servisu neebe mak besik ho embaixada sira, liu liu apoiu sira iha setor demokrasia politiku no setor ekonomia, ho mos setor sosial,” dehan Prezidente PD, Mariano Assanami Sabino ba jornalista sira, iha sede PD, Colmera, Dili, Sesta (04/06/2021).

Lider PD nee mos akresenta, PD sempre informa ba embaixada sira ba pozisaun politika no pozisaun partidu, tanba nudar partidu hakarak nakloke para hatene progresu no dezenvolvimentu ba oin nee.

Iha fatin hanesan, Embaixador EUA iha Timor Leste, Kevin Blackstone, kontente tanba hetan konvida husi Partidu Demokratiku.

“Hau kontente konvida ida nee, iha Partidu Demokratiku ohin loron ba aprende liu tan kona ba filosofia, hanesan ita boot sira hatene katak hau to mai iha nee foin fulan 8 nia laran, hau hasoru malu ona ho partidu politiku sira barak, ida nee interasante tanba Timor Leste ho Estadus Unidus kompartilla ba malu valores demokrasia,” tenik Kevin.

Nia informa, sei kontinua enkontru nee ho partidu sira seluk maibe ohin nee enkotru furak ida, rona husi Prezidente Partidu Demokratiku, Sekretariu Jeral ho ekipa tomak konaba sira nia vizaun no programa, nia mos agradese tebes ba Prezidente PD ho nia ekipa tomak.

Nia sublinha, nasaun barak mak uza naran Partidu Demokratiku maibe diferensa ituan i lideransa Partidu Demokratiku nian husu atu fahe informasaun, koko atu liga sira mos, importante mak haree partidu hotu nia vizaun mai Timor Leste no ba ninia ema.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: