Embaixador EUA Vizita Media STL

DILI, STLNEWS.co – Embaixador Estadu Unidos Amerika (EUA) iha Timor Leste, C. Kevin Blackstone iha loron Kinta (27/05/2021), halo vizita ba media Suara Timor Lorosae (STL), hodi haree direita kondisaun neebe mak media nee hasoru iha situasaun pandemia Covid-19 nia laran.

Bainhira Embaixador too iha Knua Suara Timor Lorosae, simu direita husi CEO Salvador J. Ximenes Soares ho funsionariu STL tomak, no simu ho tara tais. Depois tara tais Embaixador akompania husi CEO hodi haree mesin STL nian neebe hetan estragus iha tinan 1999, iha portaun knua STL nian. Hotu husi ida nee kontinua halo vizita ba iha fatin idak-idak, hodi haree direita situasaun no kondisaun neebe mak media nee iha.

Iha vizita nee Embaixador halo uluk enkontru ho CEO, nunee mos ho manajer sira konaba funsaun kada strutura nian, hanesan kona ba managing editor, manajer bisnis no sira seluk tan.

Iha hasoru malu nee Embaixador Estadu Unidos Amerika, Kevin Blackstone hatete, nia parte sente kontente tebes, hodi mai vizita media STL hodi haree direita kondisaun media nee rasik.

Embaixador EUA ho CEO STL Corp. Salvador J. Ximenes Soares. (Foto: STL/Donaciano Magalhães)

Tuir nia profisaun media importante tebes iha sosiedade nia leet, tanba nee povu presiza tebes jornalista.

“Profisaun jornalista importante iha sosiedade nia leet katak, povu presiza tebes jornalista sira. Tanba liu husi jornalista mak haforte governu no halo mos governu sai tranparansia liutan. Dala barak ukun nain sira la gosta jornalista sira fo sai buat neebe ladiak, maibe ida mak diak tanba ema presiza buat neebe los,” hatete nia iha salaun STL, Kinta (27/05/2021).

Embaixador nee hatutan, nia hasoru media hotu, no nia mos fiar jornalista sira nia serbisu, tanba nee mak bainhira remata halo enkontru sempre hatan ba jornalista nia perguntas iha fatin inkontru.

“Tanba hau fiar iha imi nia servisu, neemak hau sempre hatan perguntas jornalista nian bainhira iha enkontru ruma iha iha fatin enkontru,” hatete Embaixador nee.

Iha biban nee CEO STL Salvador J. Ximenes Soares mos hatoo agradese no obrigado ba Embaixador Estadu Unidos Amerika, Kevin blackstone tanba ho laran luak hodi mai halo vizita ba media STL, hodi haree direita kondisaun no situasaun neebe mak media nee infrenta hela.

Bainhira remata enkontru ho manajer no jornalista sira, embaixador akompania husi CEO no manajer STL Corp nian, kontinua vizita mos fatin seluk hanesan percetakan, sala redasaun, sala editor video no studio TV. Iha sala studio nee Embaixador dada lia iha TV STL, depois remata dada lia, ikus liu mak foto hamutuk entre funsionariu STL no Embaixador nee.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: