Embaixador Nain 5 Simu Instrusaun Husi PR Antes Aranka

DILI, STLNEWS.co – Embaixador nain lima (5) neebe mak foin lalais simu posse, ohin simu instrusaun husi Prezidente Republika (PR) Francisco Guterres Lú Olo antes aranka.

Embaixador nain lima sei halao misaun iha nasaun lima mak hanesan Brunei Darussalam, Nova Zelândia, República de Cuba, Representante Permanente da RDTL junto da Organização das Nações Unidas em Nova Iorque, no Enviado especial com categoria de Embaixador Itinerante para Assuntos Climáticos.

Bainhira remata hasoru malu ho Prezidente Republika, Embaixador Abel Guterres ba jornalista iha Palasiu Prezidente Bairru Pite, Sesta (16/07/2021) hatete ohin hasoru malu ho Prezidente atu bele konsetra hanoin ruma ba serbisu neebe mak sira sei halao iha idak-idak nia fatin.

“Ohin ami nain lima embaixador sira neebe mak simu ona posse hasoru malu ho sua Excelensia Prezidente Republika atu konserta hanoin konaba serbisu neebe ami nuudar Embaixador sira atu halo iha liur, klaru katak senhor PR mak Xefe Diplomata estadu Timor Leste nia,” hatete Embaixador Abel.

Embaixador nee hatete PR mak nuudar diplomata estadu Timor Leste nia tanba nee mak ninia hanoin nee importante hanesan dalan neebe bainhira embaixador sira halo ninia serbisu tuir dalan neebe mak los tuir estadu Timor Leste nia prinsipiu ninia presiza konaba ekonomia, sosial, no buat hotu.

Diplomata nee hatutan klaru intermus de serbisu oinsa Timor Leste nia preparasaun hadia nia uma laran atu tama ba membru iha konsentrasaun konaba lei no regulamentu, liu liu iha area ekonomika neebe liha ho pais sanulu iha ASEAN.

Abel hatutan, klaru katak nasaun kiik asesu ba merkadu boot iha ninia benefisiu mos dezafiu, benefisiu tanba bele asesu merkadu boot, dezafiu oinsa bele intermus de kapasidade iha area kompetisaun.

Iha loron hirak liu ba Prezidente Republika fo posse ba Embaixador foun Timor-Leste, Carlito Nunes ba postu ho karater multilateral iha Misaun Permanente Organizasaun Nasoins Unidas, Eusebio Cursino ba postu ho karater bilateral iha Republika de Cuba, Abel Guterres ba Estadu Brunei Darussalam, Felicidade Guterres ba Nova Zelândia no Adão Soares Barbosa ba Enviadu Espesiál ho kategoria Embaixadór Itinerante ba Asuntus Klimátikus.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: