Embaixador Republika Demokratika Arabe Saharaui Aprezenta Karta Kredensial Ba PR

DILI, STLNEWS.co – Embaixador Republika Demokratika Arabe Saharaui, Boibat Malainin Boibuat, aprezenta karta kredensial ba Prezidente Republika (PR), Francisco Guterres Lú Olo.

Lia hirak nee hato husi Ministra Negosius Estranjeirus no Kooperasaun, Adaljiza Magno ba jornalista sira iha Palasiu Prezidente, Sesta (11/06/2021).

“Ohin hau akompana senor Prezidente Republika simu kredensial husi Embaixador Republika Demokratika Arabe Saharaui, neebe mak troka nia predesesor neebe mak ba tiha ona, Embaixador ida iha nee kuaze tinan sanulu resin neebe nia ba agora Embaixador nee mai fila fali hodi troka nia” dehan MNEK, Adaljiza Magno.

Governante nee hatete, Prezidente Republika mos fo korajem ba Embaixador, tanba ita hotu hatene katak povu Saharaui luta hela ba autodeterminasaun neebe sira nia istoria kuaze hanesan Timor nian desde 75 too agora, sira domina deit 20% husi sira nia teritoriu depois sira nia rai nee agora iha hela okupasaun, istoria kuaze hanesan ho Timor nian, ita mos iha mandatu konstituisional ita tenke apoiu no fo solidaridade ba rai neebe mak luta ba autodeterminasaun tenke suporta.

“Sira pais ida neebe mak kuaze ita hatene katak pais neebe mak teritorialmente sira la eziste, ita la iha koperasaun, mais ajuda sira, sira loke sira nia embaixada iha nee, ajuda sira iha Nasoens Unidas ita koalia nafatin, sira nia kauz halo kampana nafatin para sira halo lalais referendum para determina sira nia futuru,” tenik Governante nee.

Aleinde nee, MNEK mos koalia ho Prezidente, no husu Prezidente nia desizaun atu ba iha simeira CPLP.

“Ami koalia konaba simeira CPLP, hau mai husu senor Prezidente iha desizaun atu ba iha simeira ka lae, mais haree ba situasaun iha rai laran senor Prezidente deside nia la ba, entaun hau mak sei ba, depois mak sei akompana husi enviadus espesial husi estadu nian,” nia esplika.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: