Embaixadora Malazia Halo Despedida Ho PR

DILI, STLNEWS.co – Embaixadora Malazia Sarimah Akbar, hasoru malu ho Prezidente Republika (PR) hodi halo despedida, tanba nia mandatu nuudar Embaixadora Malazia iha Timor Leste remata ona. Dehan Embaixadora Malazia, Sarimah Akbar ba jornalista, iha Palasiu Prezidensial Nicolau Lobato, Bairru Pite, Dili, Kinta (06/05/2021).

“Ohin hasoru malu ho Prezidente Republika iha dader nee hodi hatoo despedida, tanba hau remata hau nia mandatu hanesan Embaixadora Malazia iha Timor Leste, ba semana tolu iha fulan Maiu nia laran, tanba nee hau mai hatoo despedida ou selamat tinggal ba PR,” katak Embaixadora.

Embaixadora nee hatutan hasoru malu ho Prezidente Republika, Embaixadora mos hatoo assuntu lubuk ida, inklui mos relasaun rai rua Timor leste Ho Malazia.

“Primeiru hau afirmadu liu tan katak relasaun diplomasia entre nasaun rua iha relasaun neebe mak importante, ami mos kontinua apoiu Timor leste atu tama ba membru ASEAN,” katak nia.

Iha enkontru nee Prezidente Republika, Francisco Guterres Lú Olo mos hatoo agradese ba servisu Embaixadora durante nee iha Timor leste. Tanba Malazia ho Timor Leste iha relasaun diak bainhira Timor leste hetan ona indepedensia.

Prezidente Republika mos konsidera apoiu neebe mak durante nee Malazia apoiu mai iha Timor leste ba krize neebe Timor hasoru, bainhira nasaun hamriik iha hahu tama indepedensia.

Ba oin nasaun rua sei iha relasaun metin ba oin no diak liu tan no bainhira surtu Covid-19 nee remata, sei servisu hamutuk liu tan ba programa importante sira tuir mai tan.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: