Emilia Larespeita Lei

DILI- Arguida Emilia Pires larespeita pna lei Konstituisaun Republika, tanba to agora arguida nee seidauk fila mai Timor hodi kumpri aktu neebe maka nia komete.

Arguida Emilia Pires larespeita ona lei konstituisaun Republika, liu liu artigu 118 neebe dehan, Tribunal orgaun soberanu neebe halo justisa hodi povu nia naran.

Tanba nee bainhira arguida nee lakumpri lei no halai ba rai liur, Tribunal kontinua nafatin halo julgamentu ba kazu nee, no hamonu pena prizaun tinan hitu kadeia ba Emilia.

Nuentantu desizaun nee halo deputadu balu iha Parlamentu Nasional kestiona makas Tribunal hodi dehan, deskonfia mosu mafiozu iha akordaun juiz sira nian, ba kazu eis Ministra Finansas Emilia Pires.

Maske parte Governu ho deputadu balu iha Parlamentu Nasional kestiona makas servisu Juiz sira nia iha Tribunal, lahamate vontade juiz sira nian hodi halao nafatin servisu ba defende lia los.

Portantu ema hotu hotu iha direitu espresaun tuir konstituisaun, maibe labele halo intervensaun ba kazu ruma neebe maka komete husi membru Governu sira.

Nunee mos iha kazu Emilia Pires nian, halo lederansa sira hanesan Xanana Gusmao, Maria Alkatiri, no Ramos Horta hakat ba Tribunal hodi sai sasin ba Emilia.

Ho prezensa lideransa sira nian, neebe maka sai sasin ba Emilia Pires halo povu kestiona, tanba tuir sira katak, durante nee veteranus no povu bain bain hetan sala ba julga iha Tribunal lideransa sira nunka ba sai sasin no asisti netik, maibe iha Emilia nia kazu ukun nain sira ba lalais Tribunal hodi sai sasin.

Membru PN husi bankada Frente Mudansa Jorge da Conceicao Teme hateten, kuandu arguida Emilia Pires hetan sentensa maka lakumpri nee klaru ke kontra lei, tanba nia laiha imunidade ida.Tanba nee kuandu nia senti lasala lalika halai bele mai fali hodi kumpri aktu neebe maka nia komete.

lapresiza ba halo deklarasaun iha nasaun seluk dehan, se julga hau karik mai julga iha Portugal lebele julga iha Timor, nee ita halo deklarasaun hanesan labarik, no kontra ona ita nia lei neebe maka iha ,” dehan deputadu Jorge ba STL, iha PN, Dili, Kuarta (14/02/2017).

Iha fatin hanesan membru PN husi bankada Fretilin Paulo Moniz Maia hateten, Arguida Emilia Pires lai mai toma responsabilidade ba aktu neebe maka nia halo nee kontra lei. Carme Ximenes

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik Air

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...