Empreza 100 Rejistu Iha SERVE

Agora dadaun empreza atus ida resin (100), rejistadu iha SERVE, para sira bele halao sira nian atividades negosiu online. (Foto: STL/Jacinta Sequeira)

DILI, STLNEWS.co – Agora dadaun empreza atus ida resin (100), rejistadu iha SERVE, para sira bele halao sira nian atividades negosiu online.

Kestaun nee, hatoo husi Direitor Ezekutivu SERVE, Florencio Sanches, dehan, iha dadus neebe mak agora dadaun iha, iha fulan 5 liu ba kotuk, negosiu online iha empreza hamutuk atus ida liu, husi numeru nee mak rejistadu, no ofisialmente bele halo knaar ba negosiu online ninia, maibe informasaun iha terenu katak, balun neebe seidauk rejistu, maibe halo uluk negosiu online, ida nee labele.

“Sira neebe mak seidauk rejistu iha SERVE, no halo uluk negosiu online, ida nee labele tanba sei hetan penalidade $5,000, SERVE halo koordenasaun ho parte alfandega, autoridade adiodeiru publika rekezitus saida mak atu iha, empreza ida neebe mak atu halo negosiu online, SERVE hatoo tiha ona, no sira hatoo fatin nee ba para emprezariu sira neebe hatama sasan, bele kumpri ida nee. Hau hanoin mai rejista deit gratuita loron 5 nian laran, bele hetan sertidaun sertifikadu, maibe la rejista mak halo online, nee sei multa $5,000,” dehan Florencio ba STL iha nian knaar fatin SERVE Hudi Laran, Dili, Segunda (04/01/2021).

Nia dehan, aproveita iha oportunidade ida nee, fo hanoin nafatin ba emprezariu sira katak, halo negosiu online nee hanesan buat ida neebe mak diak, bele ajuda estadu ida nee, para labele hasoru malu, ohin loron ema hotu rekoinese katak, iha Dili liu husi telemovel ema bele lori sasan ba ema ida nee mak hakarak sosa no gosta sasan ida nee.

“Hau hanoin negosiu online nee diak, tanba nee mantein nafatin, maibe sebele husu para menus 10 pursentu husi empreza neebe mak iha bele foti meus ida nee bele ajuda liu tan ita nian problema Covid-19 iha TL, husu ba sira neebe mak seidauk rejistu hodi hetan lisensa husi parte SERVE nian, diak liu mai rejistu, para hetan netik lisensa husi SERVE, maibe numeru neebe ohin hau temi, sira nee rejistu ona,” dehan nia.

Nia mos sublina, se deit mak atu halo negosiu saida deit tenke mai rejistu uluk iha SERVE, hafoin sira bele hahu halo sira nian negosiu, tanba sei mak la mai rejistu, nee sei hetan multa, ho ida nee durante nee SERVE sempre fo hanoin bebeik ba maluk sira katak, diak liu mai iha SERVE rejista uluk negosiu neebe sira halo.

Nunee mos, Francisco Marques, hanesan emprezariu nasional, bainhira atu loke kompania foun no halo negosiu saida deit, diak liu ba rejistu uluk lai iha SERVE, para ikus mai labele hetan multa ruma, tanba nee, hakarak ka lakohi tenke ba rejistu uluk iha SERVE.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here