Emprezariu Seidauk Selu Arendamentu, Ameasa Taka

DILI, STLNEWS.co – Ministru Justisa (MJ) Manuel Carceres ameasa taka emprezariu boot sira neebe to’o agora seiduk selu arendamentu ba estadu.

“Ohin hau informa ba Primeiru Ministru Taur Matan Ruak katak, arendamentu tinan nee menus, tanba impaktu husi pandemia Covid-19, maibe iha emprezariu barak mos deve. Sira deve mesak emprezariu boot sira neebe mak iha kontratu boot, tanba nee Primeiru Ministru orienta hau atu bolu emprezariu boot sira, neebe mak seidauk selu arendamentu nee, atu halo enkontru ho sira, hodi husu sira nia konsiensia aluga sasan estadu, iha dever tenke selu arendamentu sira nee,” dehan Ministru Justisa (MJ) Manuel Carceres bainhira remata enkontru ho Primeiru Ministru Taur Matan Ruak iha Palaciu Governu, Dili, Kinta nee (23/09/2021).

Governante nee afirma, kada tinan MJ nia previzaun emprezariu sira neebe selu arendamentu nee, bele to’o tokon US$ 6 resin, maibe iha tinan nee menus tebes.

Carceres dehan, nia labele publika emprezariu sira neebe mak seidauk selu arendamentu, bainhira iha enkontru ruma ho emprezariu sira nee mak konvida jornalista sira sei haree rasik.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...