Entende Politiku Multi-Partidariu

DILI, STLNEWS.co – Jurista Avelino Coelho hatete, tempu too ona atu entende prosesu politiku multi-partidariu iha sistema politika, tanba partidu barak iha Parlamentu Nasional.

“Ba hau, hafoin halo tiha analiza klean kona ba impaktus mutli-partidarismu, instabilidade governativa, no impaktus sosiu-ekonomikus ba ita nia povu, hau hanoin tempu too ona atu ita entende prosesu politiku multi-partidariu iha ita nia sistema politiku. Ba hau, ezistensia partidus barak, nee konsekuensias husi ita nia opsaun politika kona ba multi-partidarismu. Maibe presiza iha entendimentu, ezistensia partidus barak, iha Parlamentu Nasional ka iha sosiedade politika ba hau diak liu partidus barak iha sosiedade politika atu bele espresa povu nia aspirasaun. En termus de konkorensia ita presiza iha opsaun konfigurasaun politika foun. Hau hanoin diak liu maka partidus sira neebe iha halo abordazem ho partidus seluk hodi kria konfigurasaun ba kualker eleisaun,” dehan nia ba STL via e-mail, Sesta (14/05/2021).

Nia hatutan, Timor Leste nia sistema, kandidatu ba elesaun Prezidensial, nee kandidatura individual. Maibe iha pratika, partidus sira maka sai nuudar makina ba kandidatura no mobilizasaun votus.

“Husi esperiensia nee, hau hanoin ba eleisaun 2022, bele mos mosu deit kandidatura rua ka tolu. Iha ita nia situasaun aktual iha hela kestaun boot rua, opiniaun boot rua, kona ba e
Estadu de Direitu Demokratiku no Konstituisaun. Husi dikotomia nee, bele mos sei mosu forsa boot rua deit maka sei avansa nia kandidatu ba Prezidente. Se forsas sira konfigura an iha opsaun rua deit, hau hanoin furak. No kandidatu neebe mosu tan no reprezenta terseira via sei dwfisil atu manan, no husi opsaun rua nee, ida neebe maka manan, sei determina konfigurasaun eleisaun lejislativa ba oin no sei garantia estabilidade governativa, “ katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: