Entidade GAM Labele Tama Sai Ilegal Fronteira

DILI, STLNEWS.co – Relasiona ho Grupu Arte Marsiais (GAM) sira kontinua halo transmisaun lokal ba Indonezia hodi sae sintu, tanba nee Komandante Unidade Patroliamentu Fronteira (UPF) husu ba entidades grupu arte marsiais sira atu konsolida ba membru sira la bele tama sai ilegal iha fronteira, hodi hatun dignidade estadu nian.

Kestaun nee informa husi Komandante Unidade Patroliamentu Fronteira (UPF), Euclides Belo ba STL liu husi telefone, Kuarta (07/07/2021).

“Husu ba entidades grupu arte marsiais sira konsolida ba membru sira hotu, atu la bele hatun dignidade estadu nian, tanba rai RDTL nee ita nia nasaun no tenki kumpri regras, hotu-hotu lao ba liur karik tenki lao tuir dalan protokolu neebe mak iha, la bele tuir dalan ema ida rua nia gostu nee la bele, no hatun fali identidade dignidade estadu nian, nee la bele,” dehan Euclides.

Nia hatutan, sira mos iha ona lista lubuk ida neebe mak sira simu hodi halo prevensaun ba lina fronteira, Unidade Patroliamentu Fronteira nia knaar iha lina fronteira, maibe kuandu iha ona laran Komandu Distritu sira nia kompetensia, hanesan iha area Atabae nee komandante eskuadra Atabae mak iha kompetensia.

Iha biban nee nia apelu mos ba sidadaun sira neebe mak ilegal, iha Indonezia sira nia avizu sai katak sei la simu estudante sira husi nasaun seluk inklui mos Timor-leste ba iha neeba, no mos husi provinsia seluk ba tuir graduasaun iha Indonezia sira la fo prioridade, sira fo prioridade ba sira nia rai laran deit.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: