ESJ 12 De Novembru La Iha Biblioteka

DILI, STLNEWS.co – Eskola Ensinu Sekundariu Jeral (ESJ) 12 de Novembru Bekora, husi inisiu too agora la iha biblioteka.

Preokupasaun nee hatoo husi Adjuntu Diretor ESJ 12 de Novembru Komoro, Kanisius Elu ba STL iha nia knaar fatin, Tersa nee (12/04/2022).

“Hau hanoin biblioteka importante ba profesores no alunus sira, tanba oinsa sira bele haklean sira nia konhesimentu liu husi biblioteka rasik, maibe too agora la iha,” hatete nia.

Nia haktuir, livru neebe husi Ministeriu Edukasaun Juventude no Desportu (MEJD), liu husi kurikulu apoiu ona ba eskola, maibe la iha fatin propiu ida atu akumula livru, ida nee problema ba eskola, hein katak MEJD halo netik biblioteka ba eskola 12 de Novembru Bekora, atu nunee alunus bele asesu ba biblioteka rasik inklui profesores sira.

Kanisius hatete, aleinde nee mos livru balu neebe seidauk iha, mak hanesan livru materia tetun, melayu, desportu, too agora seidauk iha.

Nunee mos sala de aula la too, agradese ba MEJD, tanba tinan nee primeira ves eskola 12 de Novembru Bekora hetan edifisiu foun rua, agora konstrusaun lao hela, atu nunee bele ajuda eskola aumenta sala, tanba sala atual iha nee hamutuk 20, maibe lo-loos nee presiza sala total 39, bele redus numeru estudante kada sala.

(joa)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...