Eskolante Keta Monu Ba Sala

DILI, STLNEWS.co – Jesus Kristu nafatin fo hanoin ba nia eskolante sira atu matan moris neon nain no kuidadu aan keta monu ba sala.

Lia hirak nee hatoo husi Padre Richardo Pasang, SVD ba STL liu husi telefone, Tersa nee (13/02/2024) hatete, evanjelhu hanorin katak ho buat kiik maibe nia influensia boot, tanba nee kuidadu aan nafatin keta monu ba sala.

“Loron ida ohin Jesus Kristu fo hanoin ba nia eskolante sira atu matan moris neon nain ka kuidadu aan atu sira labele monu ba sala. Nia dehan Matan moris neon nain ba, konaba farizeu no Herodes sira nia fermenta presiza hatene katak liafuan ‘fermento’, uza iha Evanjelhu ohin atu hatudu katak buat ida neebe kiik maibe iha influensia boot. Fermentu kiik maibe bele dosi sai boot. Saun Paulo uza liafuan fermentu atu hatudu kbiit neebe naksubar aan iha hahalok aat neebe estraga ema seluk. Nia dehan esplendor ladun diak. Imi hatene ka lae, katak fermentu bele halo masa sai boot,” katak Padre Ricardo.

Padre nee dehan, evanjelista sira uza liafuan fermentu ba farizeu no fermentu Herodes atu hatudu karakteristika pretensaun kepura-puraan husi farizeu sira. Fariseu sira excessivamente secara berlebihan tau atensaun ba asuntu esternal iha moris relijiaun, maibe sira la tau atensaun ba asuntus spiritual aprofunda neebe importante liu.

Fermentu Herodes katak espiritu mundanas neebe halo ema kontenti no sempre ambisaun politika iha ema nian aan. Ho kompreensaun nunee, importante tebes se Jesus fo hanoin atu matan moris neon nain ba fermentu fariseu no fermentu Herodes.

“Dala barak ita la bele sees husi tentasaun oi-oin iha ita nia moris. Dala ruma ita la kuidadu aan ba asuntus mundu nian neebe haleu ita. Pontu importante ida mak ita nia kbiit atu hamriik metin hodi hasoru tentasaun sira tanba ema bele monu iha nia hakarak rasik. Saun Tiago dehan rahun diak ba ema neebe tahan babeur, basa wainhira nia manan tiha, nia sei simu kolen moris nian nebe Maromak hakotu ona ba sira nebe hadomi Nia,” haktuir Padre nee.

(eme)

LEAVE A REPLY

Please enter your comment!
Please enter your name here